Bigg Boss 5 : ర‌వి కోసం వ‌చ్చిన సీజ‌న్ 1 విన్న‌ర్.. ఫ్ల‌యింగ్ కిస్‌లు పంపిన దీప్తి సున‌య‌న‌..

Bigg Boss 5 : బిగ్ బాస్ సీజ‌న్ 5 కార్య‌క్ర‌మం ఇప్పుడు ఆస‌క్తిక‌రంగా సాగుతోంది. షో చివ‌రి ద‌శ‌కు చేరుకోవ‌డంతో హౌజ్‌మేట్స్ చాలా టెన్ష‌న్‌లో ఉన్నారు. అందుకే వారికి కాస్త ఉప‌శ‌మ‌నం పంచేందుకు కుటుంబ స‌భ్యుల‌ని ఇంట్లోకి పంపారు. ఇక శనివారం ఎపిసోడ్‌లో మ‌రి కొంత మంది కుటుంబ స‌భ్యులు వ‌చ్చారు. కాక‌పోతే వారు రావాలంటే ఏదో ఒక త్యాగం చేయాల్సి ఉంటుంద‌ని నాగ్ చెప్ప‌డంతో అంద‌రూ త‌మ‌కు విలువైన వ‌స్తువులను త్యాగాలు చేశారు.

ముందుగా రవి.. తన కూతురు గుర్తుగా ఉంచుకున్న డాల్‌ని త్యాగం చేశాడు. ఆ త్యాగానికి ఇంటి సభ్యులందరూ ఎస్ అని అనడంతో రవి కోసం వచ్చిన గెస్ట్‌ని కలుసుకునే అవకాశం లభించింది. రవి కోసం అతని తల్లి ఉమాదేవి బిగ్ బాస్ స్టేజ్ మీదికి వచ్చారు. నువ్ రాజావిరా.. రాజ్ పుత్ రవి రాజా.. నా కొడుకు రవి అని చెప్పుకోవడానికి గర్వంగా ఉంది.. నువ్ కన్నీళ్లు పెట్టుకోవద్దు.. అని చెప్పింది. బిగ్ బాస్ సీజన్ 1 విన్నర్ కూడా రవి కోసం వచ్చాడు.

నువ్ చాలా మంచోడివి.. నీకోసం నువ్ పుట్టావ్.. ఎన్ని వచ్చినా తట్టుకుని ఈ స్టేజ్‌లో ఉన్నా.. బిగ్ బాస్ హౌస్‌లో ఉండటం వేరు.. బయట ఉండటం వేరు.. నువ్ ఎప్పుడూ వేరే వాళ్లకి సపోర్ట్‌గా మాట్లాడొద్దు.. పాయింట్ మాట్లాడేసి వచ్చేసెయ్.. మిగతాది జనం చూసుకుంటారు.. నువ్ చాలా మెచ్యూర్డ్ పర్సన్.. అని చెప్పాడు.

తర్వాత పింకీ మేకప్‌ కిట్‌ త్యాగం చేయగా ఆమెకోసం హాస్యనటులు సాయి, అప్పారావు వచ్చారు. వీరు ప్రియాంకను విన్నర్‌గా తేల్చుతూ సన్నీ, శ్రీరామ్‌, రవి, మానస్‌లను టాప్‌ 5లో ఉంచారు. సన్నీ తనకు ఫ్రెండ్స్‌ ఇచ్చిన స్పెషల్‌ గిఫ్ట్‌ను త్యాగం చేయగా ఇద్దరు ఫ్రెండ్స్‌ నిఖిల్‌, వెంకట్‌ స్టేజీపై సందడి చేశారు. కప్పు ముఖ్యం బిగిలూ అంటూనే బోర్డు మీద సన్నీని విన్నర్‌ స్థానంలో ఉంచారు. షణ్ముఖ్‌, మానస్‌, శ్రీరామచంద్ర, కాజల్‌ను తర్వాతి నాలుగు స్థానాల్లో ఉంచారు.

మానస్‌.. తల్లి పంపిన బ్రేస్‌లెట్‌ను త్యాగం చేయగా అతడి కంటే ఎక్కువగా పింకీ బాధపడిపోయింది. తర్వాత మానస్‌ తండ్రి వెంకట్‌రావు, ఫ్రెండ్‌ అమర్‌దీప్‌ వచ్చాడు. మానస్‌ను ఫస్ట్‌ ప్లేస్‌లో సన్నీ, కాజల్‌, శ్రీరామ్‌, షణ్ముఖ్‌ను మిగిలిన నాలుగు స్థానాల్లో పెట్టారు.

కాజల్‌ ఎంతగానో ఇష్టపడే బొమ్మను త్యాగాల పెట్టెలో పడేసింది. ఆమెను కలవడానికి సోదరితో పాటు, సింగర్‌ లిప్సిక కూడా వచ్చారు. వీళ్లు కాజల్‌ను విన్నర్‌గా తేల్చుతూ సన్నీ, షణ్ను, శ్రీరామచంద్ర, మానస్‌ను తర్వాతి స్థానాల్లో పెట్టారు. అనంతరం శ్రీరామ్‌.. హమీదా ఇచ్చిన కానుకను త్యాగం చేయగా అతడి కోసం తల్లి, స్నేహితురాలు వచ్చారు. వీళ్లు శ్రీరామ్‌, రవి, ప్రియాంక సింగ్‌, సన్నీ, షణ్ముఖ్‌లు వరుసగా టాప్‌ 5లో ఉంటారని జోస్యం చెప్పారు. సిరి కోసం వచ్చిన శ్రీహాన్‌.. సన్నీ, షణ్ముఖ్‌, రవి, శ్రీరామ్‌, సిరిలు వరుసగా టాప్‌ 5లో ఉంటారన్నాడు.

చివరగా షణ్ముఖ్‌.. తన ప్రేయసి దీప్తి సునయన ఇచ్చిన టీషర్ట్‌ను భారంగా త్యాగం చేశాడు. అతడి కోసం మొదట అన్నయ్య సంపత్‌ రాగా తర్వాత దీప్తి సునయన స్పెషల్‌ ఎంట్రీ ఇవ్వడంతో షణ్ను ఆనందంతో ఉబ్బితబ్బిబైపోయాడు. షణ్ముఖ్‌, శ్రీరామ్‌, సన్నీ, రవి, మానస్‌లు వరుసగా టాప్‌ 5లో ఉంటారని వీళ్లు అభిప్రాయపడ్డారు.