Bigg Boss 5 : బిగ్ బాస్ కార్యక్రమం నామినేషన్ ప్రక్రియలో భాగంగా బిగ్ బాస్ లో ఉన్న కంటెస్టెంట్ లకు హౌస్ నుంచి లెటర్స్ వస్తాయి. అయితే ఇందులో ఒకరు మాత్రమే ఆ లేఖను పొందే అవకాశం ఉంటుంది. మరొకరు వారి ఇంటి నుంచి వచ్చిన లేఖను వదులుకోవాల్సి ఉంటుంది. ఇలా ప్రియాంక, విశ్వ, అనీ మాస్టర్, శ్రీరామ్ లేఖను పొందే అవకాశాన్ని దక్కించుకున్నారు.
ఈ క్రమంలోనే సీక్రెట్ రూమ్ లోకి వెళ్ళిన లోబో, విశ్వకి రవి, శ్రీరామ్ లేఖలు అందాయి. రవి కోసం శ్రీరామ్ లేఖ వదులుకోవాలని భావించాడు. అయితే లోబో చెప్పిన మాటలు విని రవి తన లేఖను వదులుకొని శ్రీరామ్ లేఖను చదివి వినిపించాడు. ఇలా రవి శ్రీరామ్ లేఖను చదవగా అది విన్న శ్రీరామ్ ఎంతో ఎమోషనల్ అవుతూ కన్నీళ్లు పెట్టుకున్నాడు.
ఒక్కసారిగా శ్రీరామ్ భావోద్వేగం కావడంతో అది చూసిన ప్రియాంక అతడి దగ్గరకు వెళ్లి కన్నీటిని తుడిచి అతనిపై ముద్దుల వర్షం కురిపించింది. ఇక ఈ సన్నివేశం చూసిన అనీ మాస్టర్ కల్పించుకొని ఇదే వంకతో ముద్దులు కూడా పెట్టేసుకుంటున్నారా.. అంటూ వారిపై సెటైర్లు వేసింది. ఇలా అని మాస్టర్ కల్పించుకోవడంతో ఒక్క సారిగా అందరూ నవ్వుకున్నారు.
