Chiranjeevi : మెగా హీరోలను వెంటాడుతున్న బ్యాడ్ సెంటిమెంట్.. అది రిపీట్ అయితే గాడ్ ఫాదర్ ప‌ని అయిపోయిన‌ట్లే..

Chiranjeevi : టాలీవుడ్ కి మెగాస్టార్ చిరంజీవి ఎవర్ గ్రీన్ సూపర్ స్టార్ అనడంలో ఎలాంటి సందేహం లేదు. ఇప్పటికీ చిరు హిట్లతో ఫ్లాప్ లతో సంబంధం లేకుండా దూసుకుపోతున్నాడు. అయితే ఇటీవల విడుదలైన మెగాస్టార్ ఆచార్య మూవీ డిజాస్టర్ అయ్యింది. అయితే దీని వెనుక ఓ బ్యాడ్ సెంటిమెంట్ కూడా ఉంది. ఆ అక్షరంతో మొదలయ్యే టైటిల్ చిరంజీవికి కలిసి రాలేదు అంటున్నారు కొందరు. ఆరాధన, ఆపద్బాంధవుడు ఫెయిల్యూర్స్ దానికి ఉదాహరణగా చెబుతున్నారు. ఈ క్రమంలో గాడ్ ఫాదర్ చిత్రానికి కూడా ఇలాంటి బ్యాడ్ సెంటిమెంట్ ఒకటి ఉందంట‌. మెగా హీరోలకు ముఖ్యంగా.. రామ్ చరణ్, చిరంజీవికి ఇంగ్లీష్ టైటిల్స్ కలిసి రావడం లేదు అంటున్నారు.

చిరంజీవికి కలిసిరాని ఇంగ్లీష్ టైటిల్ సెంటిమెంట్ రామ్ చరణ్ ని కూడా వెంటాడింది. చరణ్ ఇప్పటి వరకు 2 చిత్రాల‌ను ఇంగ్లీష్ టైటిల్స్ తో చేశాడు. అవి రెండూ డిజాస్టర్ అయ్యాయి. మగధీర లాంటి ఇండస్ట్రీ హిట్ తర్వాత విడుదలైన ఆరంజ్, బ్రూస్లీ చిత్రాలు డిజాస్టర్ గా నిలిచాయి. ఇక చిరంజీవి కెరీర్‌లో ఇంగ్లీష్ టైటిల్ తో 10 చిత్రాల వరకు వచ్చాయి. చిరంజీవి ఇంగ్లీష్ టైటిల్ తో చేసిన మొదటి చిత్రం ఐ లవ్ యు. అప్పటికి చిరంజీవికి నటుడిగా గుర్తింపు రాలేదు. ఆ సినిమా సరిగా ఆడలేదు. తర్వాత స్టేట్ రౌడీ, బిగ్ బాస్, మాస్టర్, డాడీ, స్టాలిన్ ఇలా ఇంగ్లీష్ టైటిల్ తో చేసిన చిత్రాలు డిజాస్టర్ లేదా యావరేజ్ రిజల్ట్ అందుకున్నాయి. ఆయన లేటెస్ట్ మూవీ గాడ్ ఫాదర్ ఇంగ్లీష్ టైటిల్ కాగా ఈ బ్యాడ్ సెంటిమెంట్ మేకర్స్ ని భయపెడుతుంది. యాంటీ ఫ్యాన్స్ ఈ విషయాన్ని హైలైట్ చేస్తున్నారు. కొందరు మాత్రం అవన్నీ మూఢనమ్మకాలని కొట్టిపారేస్తున్నారు.

ఆ మాటకొస్తే చిరంజీవి ఇంగ్లీష్ టైటిల్స్ తో బ్లాక్ బస్టర్స్ కొట్టారని గుర్తు చేస్తున్నారు. ఛాలెంజ్, గ్యాంగ్ లీడర్, హిట్లర్ వంటి చిత్రాలు ఇంగ్లీష్ టైటిల్ తో విడుదలై భారీ విజయాలను అందుకున్నాయి. కాబట్టి ఇవన్నీ అర్థం లేని ఆలోచనలని కొట్టిపారేస్తున్నారు. ఇదిలా వుండగా గాడ్ ఫాదర్ మూవీపై పరిశ్రమలో కనీస బజ్ లేదు. అలాగే మూవీపై అనేక నెగెటివ్ కామెంట్స్ వినిపిస్తున్నాయి. సినిమా అవుట్ ఫుట్ పట్ల సంతృప్తి చెందని సల్మాన్ హిందీ వెర్షన్ విడుదల వద్దంటున్నారట. ఆయన ఈ మూవీని ప్రమోట్ చేయడానికి ఆసక్తి చూపడం లేదట. అలాగే గాడ్ ఫాదర్ చిత్రాన్ని కొనడానికి బయ్యర్లు ముందుకు రావడం లేదంటూ అనేక పుకార్లు వినిపిస్తున్నాయి. మరో రెండు వారాలు ఆగితే టైటిల్ సెంటిమెంట్ ఎంతవరకు నిజమో తెలుస్తుంది.