Papaya : బొప్పాయి మీకు ఈ ర‌కంగా కూడా ప‌నిచేస్తుంద‌ని తెలుసా..?

Papaya : బొప్పాయి పండ్లు ఆరోగ్యానికి ఎంతో మేలు చేస్తాయి. దొరికినప్పుడల్లా, బొప్పాయి పండ్లను తింటూ ఉండండి. బొప్పాయి పండ్ల వలన కలిగే లాభాలు ఒకటి కాదు రెండు కాదు. పైగా, కేవలం ఆరోగ్య ప్రయోజనాలే బొప్పాయిలో ఉన్నాయి అనుకుంటే పొరపాటు. బొప్పాయి లో ఉన్న బ్యూటీ ప్రయోజనాల గురించి, కచ్చితంగా ప్రతి ఒక్కరు తెలుసుకోవాలి. చర్మానికి, జుట్టుకి కూడా బొప్పాయి ఎంతగానో మేలు చేస్తుంది. పచ్చి బొప్పాయి, పండిన బొప్పాయి రెండు కూడా ఉపయోగపడతాయి. బొప్పాయి పండుని తొక్క తీసేస్తే, ముక్కలు కింద కట్ చేసుకుని, మిక్సీ లో వేసి మెత్తగా పేస్ట్ చేసుకోవాలి.

ఒక బౌల్ లో రెండు స్పూన్లు బొప్పాయి పేస్ట్ వేసుకోండి. ఇందులో కొద్దిగా నిమ్మరసం, నాలుగు చుక్కలు వెనిగర్ వేసి మిక్స్ చేయండి. జుట్టు, కుదుళ్ల నుండి చివర్ల వరకు బాగా అప్లై చేయండి. అరగంట పోయిన తర్వాత, కుంకుడుకాయతో తలస్నానం చేసేయండి. పచ్చి బొప్పాయి ని తొక్క తీసేసి ముక్కలు కింద కట్ చేసి, మిక్సీలో వేసి పేస్ట్ కింద చేసుకుని, ఒక క్లాత్ తీసుకుని రసం తీసేసుకోండి.

ఒక బౌల్లో మూడు స్పూన్లు రసం, మూడు స్పూన్లు కొబ్బరి నూనె వేసుకోండి. జుట్టుకి పై నుండి కింద వరకు బాగా పట్టించేసి, అరగంట పోయిన తర్వాత, తలస్నానం చేసేయండి. జుట్టు రాలడం బాగా తగ్గుతుంది. బొప్పాయి పండు గుజ్జులో అర స్పూన్ ముల్తానా మట్టి వేసి, బాగా మిక్స్ చేయండి.

ఈ మిశ్రమాన్ని ముఖానికి రాసి, 10 నిమిషాలు వదిలేయండి. తర్వాత చల్లటి నీటితో ముఖాన్ని కడిగేసుకుంటే, సరిపోతుంది. వారానికి రెండుసార్లు మీరు ఇలా చేయడం వలన, ముడతలు, బ్లాక్ హెడ్స్, వైట్ హెడ్స్ తొలగిపోతాయి. ముఖం కాంతివంతంగా మారుతుంది కూడా.