ఆంధ్ర స్పెషల్: టమోటా పప్పు ఎలా తయారు చేయాలో తెలుసా?

రెండు తెలుగు రాష్ట్రాల ప్రజలు ప్రతి రోజు వారి ఆహారంలో ఉపయోగించే కూరలలో తప్పనిసరిగా ఉండేది టమోటా పప్పు. టమోటా పప్పు అంటే ఇష్టపడని వారు ఎవరూ ఉండరు. ఎంతో రుచికరమైన టమాటా పప్పు ఎలా తయారు చేసుకోవాలో ఇక్కడ తెలుసుకుందాం..

కావలసిన పదార్థాలు:

*కందిపప్పు ఒక కప్పు

*టమోటాలు 4

*పచ్చిమిర్చి సరిపడినంత

*టేబుల్ టీ స్పూన్ పసుపు

*ఉల్లిపాయ ఒకటి

*వెల్లుల్లి రెబ్బలు

*కొత్తిమీర

*కరివేపాకు

*నిమ్మ పండు సైజు చింతపండు

*జీలకర్ర

*ఆవాలు

*ఎండు మిర్చి ముక్కలు

*కొద్దిగా నూనె

తయారీ విధానం:

ముందుగా ప్రెషర్ కుక్కర్ లో కందిపప్పు ను కడిగి వేసుకోవాలి. తర్వాత పచ్చిమిర్చి టమోటాలను ముక్కలుగా తరిగి వేసుకోవాలి. ఒక ఉల్లిపాయ, నాలుగు వెల్లుల్లి రెబ్బలు, కొద్దిగా కొత్తిమీర, ఒక కరివేపాకు రెమ్మ, చిటికెడు పసుపు, చింతపండు కడిగి కుక్కర్లో వేసుకోవాలి. అనంతరం మూడు విజిల్స్ వచ్చేంత వరకూ ఉడకనివ్వాలి. మూడు విజిల్స్ వచ్చిన తర్వాత స్టౌ ఆఫ్ చేసి ప్రెజర్ పోయిన తర్వాత పప్పు రాముకోవాలి. తరువాత పప్పుకు పోపు పెట్టుకోవాలి.

స్టవ్ పై వేరే కడాయి తీసుకొని అందులో మూడు టేబుల్ టీ స్పూన్ల నూనెను వేసి నువ్వు బాగా వేడెక్కాక అందులో కొద్దిగా జీలకర్ర, ఆవాలు, ఎండు మిరపకాయలు, కరివేపాకు, కొద్దిగా వెల్లుల్లి రెబ్బలు, ఉల్లిపాయ ముక్కలు వేసి బాగా వేయించాలి. ఆవాలు చిటపట అన్న తరువాత పోపు పప్పులో వేయడంతో ఎంతో రుచికరమైన టమాటా పప్పు తయారైనట్లే. వేడి వేడి అన్నంలోకి టమోటా పప్పు కలుపుకుని తింటే ఆ రుచి ఎంతో అద్భుతంగా ఉంటుంది.