రుచికరమైన చికెన్ -పెసర గారెలు తయారీ విధానం

సాధారణంగా గారెలు అంటే మినప్పప్పు అలసంద పప్పుతో తయారు చేసుకొని తింటాము. కానీ కాస్త భిన్నంగా చికెన్, పెసరపప్పును కలిపి తయారు చేసుకునే గారెలు తినడానికి ఎంతో రుచికరంగా ఉంటాయి. మరి చికెన్ – పెసర గారెలను ఏ విధంగా తయారు చేసుకోవాలో తెలుసుకుందాం.

కావలసిన పదార్థాలు

*చికెన్ తురుము అర కప్పు

*పెసలు ఒక కప్పు

*పచ్చిమిర్చి నాలుగు

*టేబుల్ స్పూన్ అల్లం ముక్కలు

*గరం మసాల కొద్దిగా

*జీలకర్ర అర టీ స్పూన్

*ఉప్పు తగినంత

*కొత్తిమీర తురుము

*బేకింగ్ సోడా చిటికెడు

*నూనె డీప్ ఫ్రైకి సరిపడినంత

*ఉల్లిపాయ ముక్కలు అర కప్పు

తయారీ విధానం

ముందుగా పెసరపప్పును నాలుగు గంటల పాటు నానబెట్టుకోవాలి. అదే విధంగా చికెన్ శుభ్రం చేసి బాగా ఉడికించి చికెన్ మిక్సీ పట్టుకోవాలి. ఈ విధంగా చికెన్ నానబెట్టిన పెసరపప్పును మిక్సీలో వేసుకుని అందులో పచ్చిమిర్చి ముక్కలు, అల్లం, జీలకర్ర, ఉల్లిపాయ ముక్కలు వేసి గ్రైండ్ చేసుకోవాలి. ఈ మిశ్రమంలోకి కొత్తిమీర తురుము, తగినంత ఉప్పు, గరం మసాలా, బేకింగ్ సోడా కలుపుకోవాలి. ఇప్పుడు స్టవ్ పై నూనెను వేసి బాగా మరిగించాలి. నూనె బాగా వేడెక్కిన తర్వాత గారెలు వేసుకుని వేడివేడిగా ఉన్నప్పుడే సర్వ్ చేసుకుంటే చికెన్ పెసర గారెలు ఎంతో రుచికరంగా ఉంటాయి.