Rashmika : హీరోయిన్స్ పెట్టే సోషల్ మీడియా పోస్ట్ ల గురించి పిచ్చి పిచ్చి కామెంట్ లు చేస్తూ ఉంటారు కొంతమంది నెటిజెన్ లు. అయితే వీటికి సెలబ్రిటీలు పెద్దగా స్పందించరు. అలాంటి కామెంట్స్ పట్టించుకోకుండా వాళ్ళ పని వారు చేసుకుంటూ పోతారు. కానీ కోపం వస్తే మాత్రం ఆ కామెంట్ చేసిన వాడి తిక్క తీర్చేస్తారు. అలాంటి ఘటన ఒకటి ఇప్పుడు టాలీవుడ్ లో జరిగింది.
పుష్ప సినిమా ప్రమోషన్స్ లో భాగంగా రష్మిక ఒక ఇంటర్వ్యూ లో తను మాట్లాడిన వీడియోని తన సోషల్ మీడియాలో షేర్ చేసింది. ఆ వీడియో లో ” పుష్పలో సామి సామి పాట కోసం చాలా కష్టపడ్డాను, ఈ పాట అందరికీ నచ్చితే చాలు, నేను డైరెక్టర్ చెప్పినట్టు చేసుకు పోయాను ” అంటూ పుష్ప సినిమా గురించి మాట్లాడుకొచ్చింది రష్మిక.
రష్మిక పెట్టిన పోస్ట్ కి ఒక నెటిజెన్ అత్యుత్సాహం ప్రదర్శించి “అసలు దీన్ని సినిమాలోకి తీసుకోకుండా ఉండాల్సింది, ఇదీ దీని ఓవర్ యాక్టింగ్” అంటూ అమర్యాదగా కామెంట్ చేశాడు. ఆ కామెంట్ కి రష్మిక ఇచ్చిన కౌంటర్ ఇప్పుడు వైరల్ అవుతోంది. “యాక్టింగ్ ఓ, ఓవర్ యాక్టింగ్ ఓ, నేను లైఫ్ లో ఏదో ఒకటి సాధించాను. నువ్వేం సాధించావు నాన్నా” అంటూ కౌంటర్ ఇచ్చింది రష్మిక. కాగా రష్మిక నటించిన పుష్ప మూవీ ఈ నెల 17న విడుదల కానుంది.
