Madhavi Latha : తెలంగాణ‌లో రావ‌ణ రాజ్యం.. కాంగ్రెస్ పాల‌న‌లో జ‌రిగే అరాచ‌కాలు ఇవే.. మాధ‌వీల‌త సంచ‌ల‌న వ్యాఖ్య‌లు..

Madhavi Latha : తెలంగాణ‌లో కొత్త ప్ర‌భుత్వం వ‌చ్చాక కొంద‌రు హ‌ర్షం వ్య‌క్తం చేస్తుండ‌గా, మరి కొంద‌రు మాత్రం త‌మ అసంతృప్తి వ్య‌క్తం చేస్తున్నారు. అయితే న‌టి మాధ‌వీల‌త ఇటీవ‌లి కాలంలో సినిమాల‌తో కాకుండా రాజ‌కీయాల‌కి సంబంధించిన కామెంట్స్ చేస్తూ వార్త‌ల‌లో నిలుస్తుంది. తెలంగాణ‌లో కాంగ్రెస్ అధికారంలోకి వ‌చ్చాక మాధ‌వీల‌త త‌న ఇన్‌స్టా పోస్ట్‌లో షాకింగ్ విష‌యాలు చెప్పుకొచ్చింది. తెలంగాణలో వచ్చే ఐదేళ్ల తర్వాత 1 ఫుడ్ ఉండదు, 2 ఉద్యోగాలు ఉండవు, 3 మహిళలకు రక్షణ ఉండదు, 4 హిందువుల పండగలు ఉండవు, 5 శాంతి ఉండదు అని పోస్టు చేశారు. అలాగే కాంగ్రెస్ పార్టీతో పోలిస్తే.. తాను బీఆర్ఎస్‌కు 99 మార్కులు వేస్తానని చెప్పారు.

కాంగ్రెస్ పార్టీది రావణ రాజ్యమని ‘ఎంజాయ్ గుడ్ లక్ కాంగ్రెస్ లవర్స్’ అంటూ ఆమె పోస్టు పెట్టారు. ప్రస్తుతం ఈ పోస్టుపై కాంగ్రెస్ కార్యకర్తలు, అభిమానులు తీవ్ర ఆగ్రహం వ్యక్తం చేస్తున్నారు. మాధ‌వీల‌త త‌న పోస్ట్‌లో బీజేపీ తెలంగాణలో బాగు పుంజుకుందని చెప్పారు. 2018లో ఆ పార్టీకి ఒక బీజేపీ ఎమ్మెల్యే ఉండగా.. ప్రస్తుతం ఆ సంఖ్య 8కి చేరిందన్నారు. మరో 19 స్థానాల్లో ఆ పార్టీ రెండో స్థానంలో నిలిచిందని చెప్పారు. బీజేకి ఓటు బ్యాంకు పెరిగిందని.. కాషాయ పార్టీపై నమ్మకం కూడా పెరిగిందని పేర్కొంది. తెలంగాణలో ఇది బీజేపీకి బూస్ట్ ఇచ్చే అంశమని చెప్పుకొచ్చింది.

మాధ‌వీల‌త ఒక‌ప్పుడు మంచి సినిమాలు చేసింది. స్నేహితుడా, నచ్చవులే, అరవింద్ 2 వంటి విజయవంతమైన చిత్రాల్లో నటించి మెప్పించింది. ఆ తర్వాత టాలీవుడ్‌లో మహిళలపై జరుగుతున్న వేధింపులు, అవకాశాల పేరుతో లోబరుచుకునే ప్రయత్నాలు లాంటివి జరుగుతాయంటూ సంచ‌ల‌న కామెంట్స్ చేస్తూ వార్త‌ల‌లోకి ఎక్కింది. తనపై ఎన్ని వివాదాలు జరిగినా, ఎంత ట్రోలింగ్ ఎదురైనా ఆమె మాత్రం త‌న‌దైన శైలిలో స్పందిస్తూ హాట్ టాపిక్ అవుతుంద‌టుంది. ఇటీవ‌లి కాలంలో మాధ‌వీల‌త బీజేపీలో చేరింది. అయితే ఆమె పాలిటిక్స్‌లో అంత యాక్టివ్‌గా లేకున్నా కూడా సోష‌ల్ మీడియాలో మాత్రం సంచ‌న‌ల పోస్ట్‌లు పెడుతూ అంద‌రి దృష్టిని ఆక‌ర్షిస్తుంది.