పాపం.. భానుప్రియ‌కు ఎంత క‌ష్టం వ‌చ్చింది.. ఇలాంటి వ్యాధి ఎవ‌రికీ రాకూడ‌దు..

అందం, అభిన‌యంతో పాటు త‌న నాట్యంతోను ఎంతో మంది ప్రేక్ష‌కుల మ‌న‌సుల‌ని కొల్ల‌గొట్టిన అల‌నాటి న‌టి భానుప్రియ‌. నాట్యంలో కెమెరాకి సైతం దొరకని ఆమె వేగం గుర్తొస్తుంది. ఆ మధ్య కేరక్టర్ ఆర్టిస్టుగా కూడా చేసిన భానుప్రియ ఈ మధ్య కాలంలో మాత్రం సినిమాలలో పెద్ద‌గా కనిపించడం లేదు. చిరంజీవి, నాగార్జున, వెంకటేష్, బాలకృష్ణ లాంటివారు అగ్ర హీరోలుగా కొనసాగుతున్న సమయంలో చాలా మంది హీరోయిన్స్ తెలుగు ఇండస్ట్రీలోకి అడుగు పెట్టి తనదైన నటనతో అగ్ర హీరోయిన్ గా గుర్తింపు పొంద‌గా అలాంటి వాళ్ళలో రాధిక, రాధ, విజయశాంతి , భానుప్రియ లాంటి వారు ఉన్నారు.

సినిమాల్లో మంచి హీరోయిన్ గా గుర్తింపు తెచ్చుకున్న భానుప్రియ వెంకటేష్ తో కె విశ్వనాథ్ గారు తీసిన స్వర్ణకమలం సినిమాలో హీరోయిన్ గా నటించి ఆ సినిమాలో తను చేసిన క్లాసికల్ డాన్స్ కి మంచి పేరు ప్ర‌ఖ్యాత‌లు పొందింది..ఒక విధంగా చెప్పాలంటే ఆ సినిమా మొత్తం భానుప్రియ గారి పాత్ర మీద ఆధారపడి ఉంటుంది అలాంటి పాత్రలో అలవోకగా నటించి మంచి మార్కులు కొట్టేసింది. తాజాగా ఓ ఇంట‌ర్వ్యూలో త‌న గురించి ఆస‌క్తిక‌ర వ్యాఖ్య‌లు చేసింది.”మావారు చనిపోయిన‌ప్పటి నుంచి మెమరీ లాస్ అయ్యాను. డైలాగ్స్ కూడా గుర్తుండటం లేదు. డాన్స్ కి సంబంధించిన ముద్రలు కూడా గుర్తుండటం లేదు. అందువల్లనే డాన్స్ స్కూల్ పెట్టాలనే ఆలోచనను కూడా విరమించుకున్నాను అని చెప్పుకొచ్చింది.

ప్రస్తుతానికి అందుకు సంబంధించి మెడిసిన్స్ తీసుకుంటున్నాను అని భానుప్రియ అన్నారు. ఇక మావారు చనిపోవడానికి ముందు నేను .. ఆయన విడిపోయినట్టుగా వార్తలు వచ్చాయి. వాటిలో ఎంతమాత్రం నిజం లేదు. ఆయన ఇక్కడికి వస్తుండేవారు .. నేను అక్కడికి వెళుతూ ఉండేదానిని. విడివిడిగా ఉండేవారమనేది పుకారు మాత్రమే. ప్రస్తుతం మా అమ్మాయి అభినయం లండన్ లో చదువుతోంది. తనకి సినిమాల వైపు వచ్చే ఆలోచన లేదు అంటూ భానుప్రియ చెప్పుకొచ్చింది.