Gomatha : రోజూ గోమాత‌ను ఇలా పూజించండి.. ఏం కోరుకున్నా నెర‌వేరుతుంది..!

Gomatha : హిందూ సంప్ర‌దాయంలో ఆవును ఎంతో ప‌విత్రంగా భావిస్తారు. ఆవుకు భ‌క్తి శ్ర‌ద్ద‌ల‌తో పూజ‌లు చేస్తారు. స‌ముద్ర మ‌థ‌నం స‌మ‌యంలో ఉద్భ‌వించిన ఆవును ప‌విత్రంగా భావించి పూజ‌లు చేస్తూ ఉంటారు. ఆవులో దేవ‌త‌లు, దేవుళ్లు అంద‌రూ నివాసం ఉంటారని హిందువులు న‌మ్ముతారు. గృహ‌ప్ర‌వేశం, పెళ్లి వంటి శుభ‌కార్యాల స‌మ‌యంలో కూడా ఆవుకు ప్ర‌త్యేక పూజ‌లు చేస్తారు. ఆవును ప్ర‌త్యేకంగా పూజించ‌డం, ప‌రిహారాలు వంటివి చేయ‌డం వ‌ల్ల మ‌న‌కు అనేక శుభాలు క‌లుగుతాయి. న‌వ‌గ్ర‌హ దోషాలు కూడా తొల‌గిపోతాయని పండితులు చెబుతున్నారు. ఎంతో ప‌విత్రంగా భావించే గోమాత‌ను ప్ర‌స‌న్నం ఎలా చేసుకోవాలి.. దాని కోసం మ‌నం చేయాల్సిన పూజ‌లు, ప‌రిహారాలు ఏమిటో.. ఇప్పుడు తెలుసుకుందాం.

ఆవుకు రొట్టెతో పాటు బెల్లం కూడా తినిపించ‌డం వ‌ల్ల మంచి శుభ ఫ‌లితాలు క‌లుగుతాయి. ఇలాచేయ‌డం వ‌ల్ల జాత‌కంలో ఉండే గ్ర‌హ‌దోషాలు తొల‌గిపోతాయి. అంతేకాకుండా ఇలా చేయ‌డం వ‌ల్ల మ‌న పురోగ‌తికి ఉన్న అడ్డంకులు కూడా తొల‌గిపోతాయి. అలాగే ఆవు మెడ‌, వీపును ప‌ట్టుకుంటే ఆవు అనుగ్ర‌హాన్ని పొంద‌వ‌చ్చు. అలాగే రోజూ అన్నం తినే ముందు మొద‌టి ముద్ద‌ను ఆవుకు పెట్ట‌డం వ‌ల్ల ఆర్థిక స్థితి మెరుగుప‌డుతుంది. అలాగే జాత‌కంలో బుధుడు అశుభంగా ఉన్న‌వారు రోజూ ఆవుకు కారం త‌క్కువ‌గా ఉండే ప‌చ్చిమిర్చిని తినిపించాలి. ఇలా చేయ‌డం వ‌ల్ల ఇంట్లో ఆనందం, శాంతి నెల‌కొంటుంది.

అలాగే ఇంట్లో ఉండే పూజ గ‌దిలో ఆవు బొమ్మ‌ను ఉంచాలి. ఇలా చేయ‌డం వ‌ల్ల దేవ‌త‌లు సంతోషిస్తారు. పూజ గ‌దిలో ఆవుబొమ్మ‌ను ఉంచ‌డం వ‌ల్ల ఇంట్లో ఎప్పుడూ కూడా సానుకూల వాతావ‌ర‌ణం ఉంటుంది. రోజూ ఆవు బొమ్మ‌ను, ఆవును పూజించ‌డం వ‌ల్ల పుణ్య ల‌భిస్తుంద‌ని పండితులు చెబుతున్నారు. ఈ విధంగా జాత‌క స‌మ‌స్య‌ల‌తో బాధ‌ప‌డే వారు, ఆర్థిక ఇబ్బందులతో బాధ‌ప‌డే వారు ఆవును పూజించ‌డం వ‌ల్ల, త‌గిన ప‌రిహారాలు చేయ‌డం వ‌ల్ల మంచి ఫ‌లితాలు ల‌భిస్తాయ‌ని పండితులు తెలియ‌జేస్తున్నారు.