ఆ ఇంటి కోడలు కావాలన్నదే నా కోరిక: రష్మిక

చలో సినిమా ద్వారా టాలీవుడ్ ఇండస్ట్రీలో అడుగు పెట్టిన నటి రష్మిక అతి తక్కువ సమయంలోనే టాలీవుడ్ ఇండస్ట్రీ టాప్ హీరోయిన్ గా గుర్తింపును సంపాదించుకుంది. తెలుగులో గీత గోవిందం, సరిలేరు నీకెవ్వరు, భీష్మ వంటి వరస విజయాల తర్వాత ఈమెకు కేవలం టాలీవుడ్ ఇండస్ట్రీలోనే కాకుండా కోలీవుడ్ ఇండస్ట్రీలో, బాలీవుడ్ లో కూడా వరుస అవకాశాలు వచ్చాయి.

ప్రస్తుతం సుకుమార్ దర్శకత్వంలో అల్లు అర్జున్ సరసన పాన్ ఇండియా చిత్రంగా తెరకెక్కుతున్న పుష్ప సినిమాలో కథానాయికగా చేస్తున్నారు. తాజాగా కోలీవుడ్ లోకి ఎంట్రీ ఇచ్చిన ఈమె హీరో కార్తీక్ సరసన సుల్తాన్ సినిమాలో నటించారు. ఈ సినిమాతో తమిళ ప్రేక్షకులకు కూడా బాగా దగ్గరయ్యారు. ఈ క్రమంలోనే రష్మిక మాట్లాడుతూ తమిళ సంస్కృతి సంప్రదాయాలు ఎంతో విభిన్నంగా ఉన్నాయి. ఈ పద్ధతులు తనను ఎంతగానో ఆకట్టుకున్నాయని తెలిపారు.

ఈ క్రమంలోనే ముఖ్యంగా తమిళ వంటకాలు,వాటి రుచులు తనను ఎంతగానో ఆకట్టుకున్నాయని, అందుకే ఎప్పటికైనా తమిళ ఇంటికి కోడలిగా రావాలనేది తన కోరిక అంటూ తన కోరికను బయట పెట్టారు. మరి ఈ ముద్దుగుమ్మ కోరిక నెరవేరుతుందో లేదో ఎదురు చూడాలి.