మొబైల్స్ తయారీదారు రియల్మి.. సి21వై పేరిట ఓ నూతన స్మార్ట్ ఫోన్ను భారత్లో విడుదల చేసింది. ఇందులో 6.5 ఇంచుల హెచ్డీ ప్లస్ రిజల్యూషన్ కలిగిన డిస్ప్లేను ఏర్పాటు చేశారు. ఆక్టాకోర్ యూనిసోక్ టి610 ప్రాసెసర్ను ఏర్పాటు చేశారు.
ఈ ఫోన్లో 3/4 జీబీ ర్యామ్ లభిస్తుంది. 32/64 జీబీ స్టోరేజ్ లను అందిస్తున్నారు. ఆండ్రాయిడ్ 11 ఓఎస్ను ఇచ్చారు. వెనుక వైపు 13 మెగాపిక్సల్ మెయిన్ కెమెరా ఉంది. మరో 2 మెగాపిక్సల్ మాక్రో కెమెరా, 2 మెగాపిక్సల్ బ్లాక్ అండ్ వైట్ కెమెరాలను ఏర్పాటు చేశారు. 5 మెగాపిక్సల్ ఫ్రంట్ కెమెరాను అమర్చారు. వెనుక వైపు ఫింగర్ ప్రింట్ సెన్సార్ ఉంది.
5000 ఎంఏహెచ్ బ్యాటరీని ఈ ఫోన్లో అందిస్తున్నారు. దీనికి రివర్స్ చార్జింగ్ సపోర్ట్ లభిస్తోంది. మెమొరీని కార్డు ద్వారా పెంచుకోవచ్చు. డ్యుయల్ సిమ్లను వేసుకోవచ్చు. డ్యుయల్ 4జి వీవోఎల్టీఈ, బ్లూటూత్ 5.0 ఫీచర్లను అందిస్తున్నారు.
రియల్మి సి21వై స్మార్ట్ ఫోన్కు చెందిన 3జీబీ ర్యామ్, 32 జీబీ స్టోరేజ్ మోడల్ ధర రూ.8,999 ఉండగా, 4జీబీ ర్యామ్, 64జీబీ స్టోరేజ్ మోడల్ ధర రూ.9,999గా ఉంది. ఆగస్టు 30 నుంచి ఈ ఫోన్ను విక్రయించనున్నారు.
