కేంద్ర ఎలక్ట్రానిక్స్, ఐటీ (MeitY) శాఖ ఆధ్వర్యంలో నిర్వహించబడుతున్న కామన్ సర్వీస్ సెంటర్స్ (CSC) ఇ-గవర్నెన్స్ సర్వీసెస్ దేశవ్యాప్తంగా పలు రాష్ట్రాల్లో ఆధార్ ఆపరేటర్, సూపర్వైజర్ పోస్టులకు గాను ఆసక్తి, అర్హత ఉన్న అభ్యర్థుల నుంచి దరఖాస్తులను ఆహ్వానిస్తోంది. ఈ మేరకు సీఎస్సీ ఇ-గవర్నెన్స్ సర్వీసెస్ ఇండియన్ రిక్రూట్మెంట్ 2026 నోటిఫికేషన్ ను విడుదల చేశారు. ఈ నియామక ప్రక్రియలో భాగంగా దేశవ్యాప్తంగా పలు ప్రాంతాల్లో ఖాళీగా ఉన్న మొత్తం 252 ఆధార్ ఆపరేటర్, సూపర్ వైజర్ పోస్టులను భర్తీ చేయనున్నారు. ఈ పోస్టులకు ఆన్లైన్ దరఖాస్తు ప్రక్రియ ఫిబ్రవరి 11, 2026న ప్రారంభం కాగా మార్చి 10, 2026 వరకు గడువు విధించారు. అభ్యర్థులు సీఎస్సీ ఇ-గవర్నెన్స్ సర్వీసెస్ ఇండియన్ వెబ్సైట్ csc.gov.inను సందర్శించి ఈ పోస్టులకు దరఖాస్తు చేయాల్సి ఉంటుంది.
అర్హతలు..
- ఆధార్ ఆపరేటర్, సూపర్ వైజర్ పోస్టులకు 12వ తరగతి, ఐటీఐ, డిప్లొమా చేసిన వారు లేదా వాటికి సమానమైన విద్యార్హత కలిగి ఉన్నవారు దరఖాస్తు చేయవచ్చు.
- పోస్టుకు ఎంపికైన వారు ఏడాది పాటు కాంట్రాక్టు పద్ధతిలో పనిచేయాల్సి ఉంటుంది.
- దేశవ్యాప్తంగా ఉన్న ఏ ప్రాంతంలో అయినా సరే పనిచేసేందుకు సిద్ధంగా ఉండాలి.
- యూనిక్ ఐడెంటిఫికేషన్ అథారిటీ ఆఫ్ ఇండియా (UIDAI) చేత గుర్తించబడిన ఏదైనా టెస్టింగ్, సర్టిఫయింగ్ ఏజెన్సీ లేదా ఇనిస్టిట్యూట్ నుంచి అభ్యర్థులు ఆధార్ ఆపరేటర్, సూపర్ వైజర్ సర్టిఫికెట్ను పొంది ఉండాలి.
- అభ్యర్థులకు కంప్యూటర్ పరిజ్ఞానం ఉండాలి.
- కమ్యూనికేషన్స్ స్కిల్స్ ఉన్న వారికి ప్రాధాన్యత ఇస్తారు.
- స్థానికంగా ఆధార్ ఆపరేటర్ లేదా సూపర్ వైజర్ పోస్టులు ఖాళీగా ఉంటే స్థానికులకే ప్రాధాన్యతను ఇస్తారు.
ఈ పోస్టులకు దరఖాస్తు చేసేందుకు అభ్యర్థులు కనీస వయస్సు 18 సంవత్సరాలు ఉండాలి. సెమి-స్కిల్డ్ మ్యాన్ పవర్డ్ విభాగంను బట్టి ఎంపికైన అభ్యర్థులకు నెలవారి వేతనాలు ఉంటాయి. అభ్యర్థులను అర్హత, అప్లికేషన్లు, డాక్యుమెంట్ల వెరిఫికేషన్, ఇంటర్వ్యూ ఆధారంగా ఎంపిక చేస్తారు. అనంతరం ఎంపిక చేసిన ఆధార్ సేవా కేంద్ర (ASK)లో పోస్టులో నియమిస్తారు.
దరఖాస్తు ఇలా..
- అధికారిక సీఎస్సీ జాబ్ పోర్టల్ https://csc.gov.in/ask ను సందర్శించాలి.
- అందులో అభ్యర్థులు తమ వివరాలతో రిజిస్టర్ చేసుకోవాలి. ఇది వరకే రిజిస్టర్ చేసుకుని ఉంటే లాగిన్ అవ్వాలి.
- Aadhaar Supervisor/Operator – District అనే పేరిట జాబ్ను వెదకాలి. అక్కడ డిస్ట్రిక్ట్ బదులు అభ్యర్థులు తమకు కావల్సిన జిల్లా లేదా రాష్ట్రం పేరు ఇవ్వవచ్చు.
- ఉద్యోగ వివరాలు, అర్హతలు, ఇతర సమాచారాన్ని క్షుణ్ణంగా చదవాలి.
- ఆన్లైన్ దరఖాస్తు ఫామ్ను సరిగ్గా నింపాలి.
- విద్యార్హతలకు చెందిన సర్టిఫికెట్లను అప్లోడ్ చేయాలి.
- ఆధార్ ఆపరేటర్, సూపర్ వైజర్ సర్టిఫికెట్ను కచ్చితంగా జత చేయాలి.
- ఐడీ, అడ్రస్ ప్రూఫ్ పత్రాలను కూడా అప్లోడ్ చేయాలి.
- వివరాలను అన్నింటినీ పూర్తిగా నింపిన తరువాత సబ్మిట్ నొక్కాలి.
- అనంతరం వచ్చే రిఫరెన్స్ లేదా అక్నాలెడ్జ్మెంట్ ఫామ్ను భవిష్యత్తు అవసరాల కోసం ప్రింట్ తీసుకోవాలి.
ఈ ఉద్యోగాలకు అభ్యర్థులు కేవలం ఆన్ లైన్లోనే అప్లై చేయాల్సి ఉంటుంది. ఆఫ్లైన్ దరఖాస్తులను స్వీకరించరు.
గమనిక: అభ్యర్థులు అధికారిక నోటిఫికేషన్ను లేదా అధికారిక వెబ్సైట్ను సందర్శించి సమాచారాన్ని ధ్రువీకరించుకోవాల్సి ఉంటుంది. అధికారిక సైట్లో ఎప్పటికప్పుడు వచ్చే అప్డేట్స్ను పరిశీలించాల్సి ఉంటుంది.
