OTT : సినిమా ఇండస్ట్రీకి ఆగస్టు నెల ఎంతో ఉత్సాహాన్నిచ్చింది. అదే ఊపుతో సెప్టెంబర్, అక్టోబర్ మొదటి వారంలో పలు యంగ్ హీరోల సినిమాలు థియేటర్లలోకి అడుగపెట్టాయి. అయితే పెద్దగా ప్రేక్షకులను ఆకట్టుకోలేకపోయాయి. అయినా తగ్గేదిలేదంటూ ఈవారం కూడా కొన్ని వైవిధ్యమైన సినిమాలు ఆడియెన్స్ ముందుకు వస్తున్నాయి. అక్టోబర్ మూడోవారంలో ఓటీటీల్లో సందడి చేయనున్న సినిమాలేంటో చూద్దాం..
ఈ వారం అమెజాన్ ప్రైమ్ వీడియో, నెట్ఫ్లిక్స్, జీ5, హాట్స్టార్, సోనీ లివ్ మరియు ఇతర ఓటీటీ ప్లాట్ఫారమ్లలోకి వచ్చే మూవీ లిస్ట్ ఏంటంటే.. శర్వానంద్ నటించిన ఓకే ఒక జీవితం.. ఈ మూవీ ఇటీవలి కాలంలో శర్వాకి మంచి హిట్ ఇచ్చింది. ఈ చిత్రం అక్టోబర్ 20 నుండి సోనీ లివ్లో ప్రసారం కానుంది. ఇది ఫ్యామిలీ డ్రామా అంశాలతో కూడిన సైన్స్ ఫిక్షన్ థ్రిల్లర్. అలాగే నందమూరి కళ్యాణ్ రామ్ నటించిన బింబిసార చిత్రం బాక్సాఫీస్ బ్లాక్ బస్టర్ అయిన విషయం తెలిసిందే.
ఇది ఇప్పుడు ఓటీటీ ప్రేక్షకుల ముందుకు అక్టోబర్ 21 నుండి జీ5లో స్ట్రీమింగ్ కానుంది. భారీ బడ్జెట్ చిత్రం బ్రహ్మాస్త్ర అక్టోబర్ 23 నుండి డిస్నీ+ హాట్స్టార్లో స్ట్రీమింగ్ కి సిద్ధంగా ఉంది. ఇది హిందూ పురాణాల ఆధారంగా తెరకెక్కించిన ఫాంటసీ థ్రిల్లర్. అలాగే కృష్ణ వ్రింద విహారి నాగ శౌర్య ప్రధాన పాత్రలో నటించిన కామెడీ మూవీ. ఇటీవల కాలంలో క్లీన్ కామెడీగా పేరు తెచ్చుకుంది. ఈ చిత్రం ఈ నెల 23 నుంచి నెట్ఫ్లిక్స్లో స్ట్రీమింగ్కు అందుబాటులో ఉంటుంది.
