OTT : ప్రతి శుక్రవారం విడుదలయ్యే సినిమాలు, సిరీస్ ల కోసం ఓటీటీ ప్రేక్షకులు ఎంతో ఆతృతగా ఎదురు చూస్తూ ఉంటారు. పలు సినిమాల తేదీలు తెలుసుకొని వాటిని వీక్షించడానికి సిద్ధమైపోతుంటారు. అలాగే ఈ వారం కూడా థియేటర్లలో విజయవంతమైన సినిమాలు కొన్ని ఓటీటీ విడుదలకు రెడీ అయిపోయాయి. వీటితో దసరా పండుగ మరింత కళ సంతరించుకోనుంది. ఇక ఈ వారం ఓటీటీలలో రాబోయే సినిమాలు, సిరీస్ ల గురించి తెలుసుకుందాం.
నిఖిల్ సిద్ధార్థ, అనుపమ పరమేశ్వరన్ హీరో హీరోయిన్లుగా నటించగా మిస్టరీ థ్రిల్లర్ గా విడుదలై పాన్ ఇండియా బాక్సాఫీస్ దుమ్ము రేపిన కార్తికేయ 2 సినిమా జీ 5 ఓటీటీలో అక్టోబర్ 5 నుండి స్ట్రీమింగ్ కానుంది. ఈ సినిమా ఓటీటీలో ఎప్పుడు వస్తుందా అని అభిమానులు ఎదురు చూస్తున్నారు. దీంతో వారికి ఎట్టకేలకు వినోదం లభ్యం కానుంది.
అలాగే నందమూరి కళ్యాణ్ రామ్ ప్రధాన పాత్రలో నటించిన సోషియో ఫ్యాంటసీ చిత్రం బింబిసార కూడా జీ5 లో అక్టోబర్ 7 నుండి ప్రసారం కానుంది. క్యాథరీన్ ట్రెసా, సంయుక్త మీనన్ హీరోయిన్లుగా నటించిన ఈ సినిమా చాలా కాలం తరువాత కళ్యాణ్ రామ్ కు మంచి విజయాన్ని అందించింది. ఫ్యామిలీ ఆడియన్స్ ని బాగా ఆకట్టుకుంది. అయితే ఈ మూవీ థియేటర్లలో భారీ విజయాన్ని సాధించింది. కనుక ఓటీటీలో కూడా బంపర్ హిట్ అవుతుందని ఆశిస్తున్నారు.
అశీష్ గాంధీ, చిత్ర శుక్లా జంటగా నటించిన ఉనికి అనే సినిమా అక్టోబర్ 5 నుండి ఆహా ఓటీటీ లో ప్రదర్శితం కానుంది. ప్రేక్షకులకు ఈ సినిమా గురించి అంతగా తెలియక పోయినా రేటింగ్ మాత్రం బాగానే ఉంది. కనుక ఈ మూవీని కూడా ప్రేక్షకులు చూడవచ్చు. అలాగే బాలీవుడ్ నటుడు అక్షయ్ కుమార్ హీరోగా నటించిన రక్షాబంధన్ అనే మూవీ జీ5 ఓటీటీలో అక్టోబర్ 5 నుండి స్ట్రీమింగ్ కానుంది. అన్నా చెల్లెళ్ల సెంటిమెంట్ తో ఆగస్టు 11న హిందీలో విడుదలైన ఈ చిత్రం బాక్సాఫీస్ వద్ద ఘోర పరాజయాన్ని చూసింది.
అంతే కాకుండా ఈషో అనే మళయాళ థ్రిల్లర్ సినిమా కూడా అక్టోబర్ 5 నుండి ఓటీటీ ప్లాట్ ఫామ్ సోనీ లివ్ లో స్ట్రీమింగ్ కానుంది. సైన్స్ ఫిక్షన్, యాక్షన్ థ్రిల్లర్ అయిన ఇంగ్లీష్ చిత్రం ప్రే.. డిస్నీ హాట్ స్టార్ లో అక్టోబర్ 7 నుండి ప్రసారం కాబోతుంది. ఇలా పలు భారీ యాక్షన్, థ్రిల్లర్ మూవీలు ఈ వారం ఓటీటీ ప్రేక్షకులకు మరింత వినోదాన్ని అందించనున్నాయి. దీంతో పండుగ వేళ ఓటీటీలు కళకళలాడనున్నాయి.
