ఎంతో రుచికరమైన బనానా డోనట్స్ అంటే అందరూ ఎంతో ఇష్టంగా తింటారు. అయితే పేరు వినడానికి కష్టంగా ఉన్నా ఈ రెసిపీ చేయడం ఎంతో సులువు,అదేవిధంగా తినడానికి కూడా ఎంతో రుచికరంగా ఉంటుంది. మరి తియ్యగా ఉండే ఈ బనానా డోనట్స్ ఎలా తయారు చేసుకోవాలో ఇక్కడ తెలుసుకుందాం.
కావలసిన పదార్థాలు
*అరటి పండ్లు 2 పండినవి
*గోధుమపిండి ఒకటిన్నర కప్పు
*చక్కెర అరకప్పు
*ఉప్పు చిటికెడు
*కోడిగుడ్లు రెండు
*బేకింగ్ సోడా తగినంత
*వెనీలా ఎక్స్ ట్రాక్ట్ ఒక టీ స్పూన్
*బటర్ పావు కప్పు (కరిగినది)
తయారీ విధానం
ముందుగా ఒక గిన్నెలోకి అరటి పండ్లను మెత్తని గుజ్జులా చేసుకొని పక్కన పెట్టుకోవాలి. ఈ గిన్నెలోకి పంచదార, ఉప్పు, వెనీలా ఎక్స్ ట్రాక్ట్ వేసి బాగా కలియబెట్టాలి. ఆ తరువాత బేకింగ్ పౌడర్ కరిగించిన బటర్ వేసుకొని కలిపి ఆ తరువాత గోధుమపిండి కొద్దికొద్దిగా వేసుకుంటూ ఎక్కడా ఉండలు లేకుండా తయారు చేసుకోవాలి. ఈ మిశ్రమాన్ని డోనట్ మేకర్ లో పాన్ పెట్టి కొద్దిగా నూనె రాసి ముందుగా తయారు చేసుకున్న ఈ మిశ్రమాన్ని కొద్ది కొద్దిగా అందులో వేసి స్విచ్ ఆన్ చేసుకుంటే ఎంతో రుచికరమైన బనానా డోనట్స్ తయారయినట్టే.
