Vishwak Sen : విశ్వక్సేన్, రుక్సార్ ధిల్లాన్లు హీరో హీరోయిన్లుగా నటించిన చిత్రం.. అశోకవనంలో అర్జున కల్యాణం. ఈ మూవీ మే 6వ తేదీన థియేటర్లలో ప్రేక్షకుల ముందుకు వచ్చింది. ఈ సినిమా బాక్సాఫీస్ వద్ద మంచి టాక్నే సాధించినప్పటికీ థియేటర్లకు ప్రేక్షకులను రప్పించలేకపోయింది. అయితే విశ్వక్ సేన్, దేవీ నాగవల్లిల మధ్య గొడవ కారణంగా ఈ మూవీకి కావల్సినంత పబ్లిసిటీ అయితే వచ్చింది. అయినప్పటికీ ప్రేక్షకులు మాత్రం ఈ సినిమాను చూసేందుకు ఆసక్తిని చూపలేదు. అయితే నెల రోజుల తరువాత ఈ మూవీ ఓటీటీలో రిలీజ్ అయింది.
అశోకవనంలో అర్జున కల్యాణం సినిమా ఆహా ఓటీటీ ప్లాట్ఫామ్ లో ప్రస్తుతం స్ట్రీమ్ అవుతోంది. ఫ్యామిలీ డ్రామా, కామెడీ, ఎంటర్టైన్మెంట్ను కోరుకునే వారు ఈ మూవీని ఒకసారి చూసి ఎంజాయ్ చేయవచ్చు. ఇందులో విశ్వక్ సేన్, రుక్సార్ ధిల్లాన్ల మధ్య ఆన్ స్క్రీన్ కెమిస్ట్రీ బాగా వర్కవుట్ అయింది. ఓటీటీలో ఈ మూవీకి మంచి స్పందనే లభిస్తోంది. ఇక ఈ మూవీకి ఎన్ని వ్యూస్ వస్తాయో చూడాలి.
ఈ మూవీకి విద్యాసాగర్ చింతా దర్శకత్వం వహించగా.. బీవీఎస్ఎన్ ప్రసాద్ నిర్మించారు. రవి కిరణ్ చోళ కథను అందించారు. సినిమా ఆద్యంతం నవ్వుల పువ్వులు పూయిస్తుంది. అయితే థియేటర్లలో అంతగా ఈ మూవీ హిట్ కాకపోయినా.. ఓటీటీలో అయినా హిట్ అవుతుందని మేకర్స్ ధీమాను వ్యక్తం చేస్తున్నారు.
