Chicken : సంక్రాంతి పండుగ సందర్బంగా చాలా మంది హైదరాబాద్ నుంచి తమ సొంత ఊళ్లకు వెళ్లిన సంగతి తెలిసిందే. ప్రతి ఏటా ఇలాగే జరుగుతుంటుంది. అయితే ఈసారి కూడా అలాగే చాలా మంది ఊళ్లకు తరలివెళ్లారు. అయినప్పటికీ నగరంలో ఉన్నవారు మాత్రం భారీగా చికెన్ను లాగించేశారు.
గత శుక్రవారం నుంచి ఆదివారం వరకు మూడు రోజుల్లోనే హైదరాబాద్ వాసులు ఏకంగా 60 లక్షల కిలోల చికెన్ను తిన్నారు. సాధారణంగా మటన్ ధర ఎక్కువగా, చికెన్ ధర తక్కువగా ఉంటుంది. కనుక చికెన్ తినే వారి సంఖ్యే ఎక్కువగా ఉంటుంది. కిలో మటన్ ధర రూ.800 నుంచి కొన్ని చోట్ల రూ.900 వరకు పలుకుతుండగా.. చికెన్ ధర మాత్రం కేజీకి రూ.240 వరకు పలికింది.
సాధారణ రోజుల్లో హైదరాబాద్ వాసులు రోజుకు 10 లక్షల కిలోల చికెన్ తింటారు. కానీ సంక్రాంతి రోజుల్లో మాత్రం ఇంతకు రెట్టింపు స్థాయిలో చికెన్ను తినడం విశేషం. ఇక శుక్రవారం, శనివారం రెండు రోజుల్లో 30 లక్షల కిలోల చికెన్ విక్రయాలు జరగ్గా.. ఒక్క ఆదివారం రోజే ఏకంగా 30 లక్షల కిలోల చికెన్ అమ్ముడైంది.
ఇక సాధారణ రోజుల్లో హైదరాబాద్లో రోజుకు 2 లక్షల కిలోల మటన్ అమ్ముడవుతుంది. కానీ ఆదివారం రోజు ఏకంగా 5 లక్షల కిలోల మటన్ను కొనుగోలు చేశారు. సంక్రాంతి పండుగ మూడు రోజుల్లోనూ 15 లక్షల కిలోల మేర మటన్ను విక్రయించారు.
