Pushpa : అల్లు అర్జున్ తొలిసారి ఊరమాస్లో కనిపించిన చిత్రం పుష్ప. సుకుమార్ దర్శకత్వంలో రూపొందిన ఈ చిత్రం బాక్సాఫీస్ని షేక్ చేస్తోంది. పుష్పరాజ్గా అల్లు అర్జున్ నట విన్యాసం అదిరిపోయింది. శ్రీవల్లిగా రష్మిక కూడా అలరించింది. ఈ సినిమాకు రూ.150 కోట్ల ప్రీ రిలీజ్ బిజినెస్ జరిగింది. తెలుగులో రూ.102 కోట్లకు పైగా షేర్ వసూలు చేయాల్సి ఉంది. 9 రోజుల్లో ఈ సినిమాకు రూ.123 కోట్ల షేర్ వచ్చింది. అయితే వీక్ డేస్ మొదలైన తర్వాత సినిమా చాలా చోట్ల స్లో అయిపోయింది.
పుష్ప సినిమాకి సంబంధించి ప్రమోషన్స్ కార్యక్రమాలు జరుగుతుండగా, ఈ కార్యక్రమంలో సుకుమార్ షాకింగ్ విషయాలు వెల్లడించారు. క్లైమాక్స్లో విలన్ ఫహద్ ఫాజిల్, అల్లు అర్లున్ అర్థనగ్నంగా కనిపించిన విషయం తెలిసిందే. ఇద్దరూ కూడా అండర్ వేర్ లో కనిపించి చాలా పోటాపోటీగా డైలాగ్స్ చెప్పారు. కానీ ప్రేక్షకులను ఆ సీన్ అంతగా ఆకట్టుకోలేకపోయింది. తాజాగా ఈ క్లైమాక్స్ సీన్పై దర్శకుడు సుకుమార్ ఆసక్తికర విషయాలను పంచుకున్నారు.
‘పుష్ప క్లైమాక్స్లో బన్నీ, ఫహాద్ ఇద్దరూ ప్యాంట్ షర్ట్ విప్పేసి సవాళ్లు విసురుకుంటారు. నిజానికి ఆ సీన్లో ఇద్దరినీ నగ్నంగా చూపించాలనుకున్నా. కానీ, తెలుగు ప్రేక్షకులు ఇలాంటి సీన్స్ను అంగీకరించరని తెలిసి అప్పటికప్పుడు మార్పులు చేశాం’అని సుకుమార్ చెప్పుకొచ్చాడు. మొదటి భాగంతో కేవలం పాత్రలను మాత్రమే పరిచయం చేశామని, అసలు కథ సెకండ్ పార్ట్లో ఉంటుందన్నాడు సుకుమార్.
