Crime News : ప్రస్తుత కాలంలో ఒక భార్య, ఇద్దరు బిడ్డలను పోషించాలంటేనే తలకు మించిన భారంగా మారింది. ఈ క్రమంలోనే బంగ్లాదేశ్ కి చెందిన ఒక ఘరానా మోసగాడు ఏకంగా 75 మందిని వివాహం చేసుకుని.. మరో 200 మంది అమ్మాయిలను వ్యభిచారంలోకి దింపాడు. ఈ ఘటన తాజాగా వెలుగులోకి వచ్చింది. ఈ క్రమంలోనే ఆ వ్యక్తిని గుజరాత్ లో సూరత్ పోలీసులు అరెస్టు చేశారు. పోలీసులు తెలిపిన వివరాల మేరకు..
బంగ్లాదేశ్ జాసుర్కు చెందిన మునీర్ అలియాస్ మునిరుల్ ఉపాధి పేరుతో బంగ్లాదేశ్ నుంచి అమ్మాయిలను ఇండియాకు తరలించి వారిని ముంబై, కోల్కతాలలో వ్యభిచారంలోకి దింపేవాడు. ఇలా ఇప్పటి వరకు దాదాపుగా 200 మందిని ఇలా వ్యభిచార కూపంలోకి దింపినట్లు పోలీసులు తమ విచారణలో వెల్లడించారు. మరొక ఆశ్చర్యకరమైన విషయం ఏమిటంటే.. మునీర్ ఏకంగా ఒకరు కాదు, ఇద్దరు కాదు.. 75 మందిని వివాహం చేసుకున్నట్లు తెలియడంతో పోలీసులు షాక్ అయ్యారు.
అయితే మధ్యప్రదేశ్ ఇండోర్ పోలీసులు ఒక ఓ కేసులో విచారణ చేపట్టగా ఊహించని విధంగా పోలీసులకు మునీర్ బాగోతం తెలిసింది. ఈ క్రమంలోనే పోలీసులు నిందితుడి కోసం గాలింపు చర్యలు చేపడుతున్న నేపథ్యంలో గుజరాత్లోని సూరత్ లో పోలీసులకు అతను పట్టుబడ్డాడు. కాగా పోలీసులు అతనిని అదుపులోకి తీసుకున్నారు.
