కర్ఫ్యూ సమయంలో రోడ్డు పై చిందులు వేసి.. అడ్డంగా బుక్కయింది కానీ!

ప్రస్తుత కాలంలో చాలా మంది యూట్యూబ్ ఛానల్ స్టార్ట్ చేసి వాటిలో ఫాలోవర్స్ పెంచుకోవడం కోసం,వారు పెట్టే పోస్టులకు వీడియోలకు అధిక సంఖ్యలో లైకులు రావడం కోసం ఎంతటి సాహసానికైనా ఒడిగడుతున్నారు. ఈ క్రమంలోనే కొన్నిసార్లు ప్రమాదాల బారిన కూడా పడుతున్నారు. అచ్చం ఇలాంటి పరిస్థితులలో ఓ గుజరాత్ యువతి చిక్కుకున్నారు.

ప్రస్తుతం గుజరాత్ మొత్తం కరోనా కేసులు తీవ్రం కావడంతో రాత్రి సమయంలో కర్ఫ్యూ విధించారు. అయితే రాజ్ కోట్ కు చెందిన ప్రిషా రాథోడ్ అనే యువతి పలు ఈవెంట్లను చేస్తూ, సోషల్ మీడియాలో ఈమె షేర్ చేసే పోస్టులకు ఫాలోవర్స్ కూడా అధిక సంఖ్యలో ఉన్నారు. ఇన్ స్టాలో ఉన్న తన ఫాలోవర్ల కోసం ఆమె ఒక సాహసానికి తెర తీశారు. కర్ఫ్యూ సమయంలో రోడ్డు పైకి వచ్చి ఓ పాటకు డాన్స్ వేశారు.దీనికి సంబంధించిన వీడియోను సర్ప్రైజ్ అంటూ సోషల్ మీడియా ద్వారా షేర్ చేయడంతో ఈ వీడియో కాస్త వైరల్ అయింది.

ప్రిషా రాథోడ్ షేర్ చేసిన వీడియో చూసిన నెటిజన్లు కర్ఫ్యూ నిబంధనలను ఈ విధంగా బ్రేక్ చేయడం ఏమిటి అంటూ? పోలీసులకు ఫిర్యాదు చేశారు. ఈ విషయం ప్రిషా రాథోడ్ తెలియడంతో వెంటనే ఆ వీడియో డిలీట్ చేసింది. అయితే అప్పటికే జరగాల్సిన దారుణం జరిగిపోయింది. ఆమె షేర్ చేసిన వీడియో ఎంతోమంది షేర్ చేయడంతో పోలీసులు కేసు నమోదు చేశారు.ఈ విధంగా పోలీసులు కేసు బుక్ చేయడంతో తను కావాలనే తప్పు చేయలేదని మొదటిసారి జరిగిన తప్పుకు తనను క్షమించాలని వేడుకుంది.ఇకపై ఇలాంటి నిబంధనలను ఉల్లంఘిస్తే తప్పకుండా చర్యలు తీసుకుంటామని పోలీసులు ఆమెకు వార్నింగ్ ఇచ్చి పంపారు. కానీ ఆమెపై బుక్ చేసిన కేసు అలాగే ఉండడంతో ఈ అమ్మడు తెగ టెన్షన్ పడిపోతున్నారు