రియ‌ల్‌మి నుంచి కొత్త స్మార్ట్ ఫోన్‌.. ఫీచ‌ర్లు, ధ‌ర ఎలా ఉన్నాయంటే..?

మొబైల్స్ త‌యారీదారు రియ‌ల్‌మి.. సి25 పేరిట ఓ నూత‌న స్మార్ట్ ఫోన్‌ను భార‌త్‌లో విడుద‌ల చేసింది. ఇందులో 6.5 ఇంచుల హెచ్‌డీ ప్ల‌స్ రిజ‌ల్యూష‌న్ క‌లిగిన డిస్‌ప్లేను ఏర్పాటు చేశారు. హీలియో జి85 ప్రాసెస‌ర్‌, 4జీబీ ర్యామ్ ల‌భిస్తుంది. ఆండ్రాయిడ్ 11 ఓఎస్‌ను ఇందులో అందిస్తున్నారు.

ఈ ఫోన్‌లో ఫింగర్ ప్రింట్ సెన్సార్ వెనుక వైపు ఉంటుంది. వెనుక వైపు 13 మెగాపిక్స‌ల్ మెయిన్ కెమెరాకు తోడుగా మ‌రో 2 మెగాపిక్స‌ల్ మాక్రో కెమెరా, 2 మెగాపిక్స‌ల్ బ్లాక్ అండ్ వైట్ కెమెరాల‌ను ఏర్పాటు చేశారు. ముందు భాగంలో 8 మెగాపిక్స‌ల్ కెమెరా ఉంది. ఈ ఫోన్‌లో 6000 ఎంఏహెచ్ బ్యాట‌రీని ఏర్పాటు చేయ‌గా, దీనికి ఫాస్ట్ చార్జింగ్ స‌పోర్ట్ ల‌భిస్తుంది.

రియ‌ల్‌మి సి25ఎస్ ఫీచ‌ర్లు

• 6.5 ఇంచ్ హెచ్‌డీ ప్ల‌స్ డిస్‌ప్లే, 1600 x 720 పిక్స‌ల్స్ స్క్రీన్ రిజ‌ల్యూషన్‌
• ఆక్టాకోర్ మీడియాటెక్ హీలియో జి85 ప్రాసెస‌ర్, 4జీబీ ర్యామ్
• 64/128 జీబీ స్టోరేజ్‌, 256 జీబీ ఎక్స్‌పాండ‌బుల్ స్టోరేజ్, డ్యుయ‌ల్ సిమ్
• ఆండ్రాయిడ్ 11 ఓఎస్‌, 13, 2, 2 మెగాపిక్స‌ల్ బ్యాక్ కెమెరాలు
• 8 మెగాపిక్స‌ల్ ఫ్రంట్ కెమెరా, ఫింగ‌ర్ ప్రింట్ సెన్సార్‌, డ్యుయ‌ల్ 4జి వీవోఎల్‌టీఈ
• డ్యుయ‌ల్ బ్యాండ్ వైఫై, బ్లూటూత్ 5.0, యూఎస్‌బీ టైప్ సి
• 6000 ఎంఏహెచ్ బ్యాట‌రీ, ఫాస్ట్ చార్జింగ్

రియ‌ల్‌మి సి25ఎస్ స్మార్ట్ ఫోన్ వాట‌రీ గ్రే, వాట‌రీ బ్లూ క‌ల‌ర్ ఆప్ష‌న్ల‌లో విడుద‌లైంది. ఈ ఫోన్‌కు చెందిన 4జీబీ ర్యామ్‌, 64జీబీ స్టోరేజ్ మోడ‌ల్ ధ‌ర రూ.9,999 ఉండ‌గా, 4జీబీ ర్యామ్‌, 128 జీబీ స్టోరేజ్ మోడ‌ల్ ధ‌ర రూ.10,999గా ఉంది. ఫ్లిప్‌కార్ట్‌లో ఈ ఫోన్ ల‌భిస్తోంది.