50 మెగాపిక్స‌ల్ కెమెరా, 5జి ఫీచ‌ర్ల‌తో వ‌చ్చిన వ‌న్‌ప్ల‌స్ కొత్త ఫోన్‌..!

మొబైల్స్ త‌యారీ సంస్థ వ‌న్‌ప్ల‌స్ మ‌రో కొత్త 5జి ఫోన్‌ను భార‌త మార్కెట్‌లో విడుద‌ల చేసింది. త‌క్కువ ధ‌రకే అదిరిపోయే ఫీచ‌ర్లు క‌లిగిన ఫోన్ల‌ను త‌యారు చేసి అందిస్తుంద‌ని వ‌న్‌ప్ల‌స్‌కు మంచి పేరుంది. అందులో భాగంగానే అలాంటి ఫీచ‌ర్లు క‌లిగిన ఓ కొత్త ఫోన్‌ను వ‌న్‌ప్ల‌స్ లాంచ్ చేసింది. వ‌న్‌ప్ల‌స్ నార్డ్ 2 5జి పేరిట ఆ ఫోన్ విడుద‌లైంది. అందులో ఆక‌ట్టుకునే ఫీచ‌ర్ల‌ను అందిస్తున్నారు.

వ‌న్‌ప్ల‌స్ నార్డ్ 2 5జి ఫీచ‌ర్లు

• 6.43 ఇంచుల ఫుల్ హెచ్‌డీ ప్ల‌స్ ఫ్లుయిడ్ అమోలెడ్ డిస్‌ప్లే
• 1080 x 2400 పిక్స‌ల్స్ స్క్రీన్ రిజల్యూష‌న్‌, 90 హెడ్జ్ రిఫ్రెష్ రేట్
• 3 గిగాహెడ్జ్ ఆక్టాకోర్ మీడియాటెక్ డైమెన్సిటీ 1200 ప్రాసెస‌ర్
• 6/8/12 జీబీ ర్యామ్‌, 128/256 జీబీ స్టోరేజ్, ఆండ్రాయిడ్ 11, డ్యుయ‌ల్ సిమ్
• 50, 8, 2 మెగాపిక్స‌ల్ బ్యాక్ కెమెరాలు, 32 మెగాపిక్స‌ల్ సెల్ఫీ కెమెరా
• ఇన్ డిస్‌ప్లే ఫింగ‌ర్ ప్రింట్ సెన్సార్‌, 5జి, డ్యుయ‌ల్ 4జి వీవోఎల్‌టీఈ
• బ్లూటూత్ 5.2, ఎన్ఎఫ్‌సీ, యూఎస్‌బీ టైప్ సి, 4500 ఎంఏహెచ్ బ్యాట‌రీ, ఫాస్ట్ చార్జింగ్

వ‌న్‌ప్ల‌స్ నార్డ్ 2 5జి ఫోన్‌కు చెందిన 6జీబీ ర్యామ్ మోడ‌ల్ ధ‌ర రూ.27,999 ఉండ‌గా, 8జీబీ ర్యామ్ మోడ‌ల్ ధ‌ర రూ.29,999గా ఉంది. అలాగే 12 జీబీ ర్యామ్ మోడ‌ల్ ధ‌ర రూ.34,999గా ఉంది. ఈ ఫోన్‌ను జూలై 26వ తేదీ నుంచి విక్ర‌యిస్తారు. హెచ్‌డీఎఫ్‌సీ కార్డుల‌తో రూ.1000 డిస్కౌంట్‌ను అందిస్తారు.