నోట్ 10, నోట్ 10 ప్రొ ఫోన్ల‌ను విడుద‌ల చేసిన ఇన్ఫినిక్స్..!

మొబైల్స్ త‌యారీదారు ఇన్ఫినిక్స్ కొత్త‌గా నోట్ 10, నోట్ 10 ప్రొ పేరిట రెండు స్మార్ట్ ఫోన్ల‌ను భార‌త్ లో విడుద‌ల చేసింది. ఇవి రెండూ 6.95 ఇంచుల ఫుల్ హెచ్‌డీ ప్ల‌స్ రిజ‌ల్యూష‌న్ ఉన్న‌ డిస్‌ప్లేను క‌లిగి ఉన్నాయి. వీటిల్లో ముందు భాగంలో 16 మెగాపిక్స‌ల్ కెమెరాను ఏర్పాటు చేశారు. అయితే ప్రొ మోడ‌ల్ డిస్‌ప్లేకు 90 హెడ్జ్ రిఫ్రెష్ రేట్‌ను అందిస్తున్నారు. దీని వ‌ల్ల డిస్‌ప్లే క్వాలిటీ బాగుంటుంది.

నోట్ 10 లో హీలియో జి85 ప్రాసెస‌ర్‌ను, నోట్ 10 ప్రొ లో హీలియో జి95 ప్రాసెస‌ర్‌ను అందిస్తున్నారు. రెండింటిలోనూ 8జీబీ వ‌ర‌కు ర్యామ్ ల‌భిస్తుంది. నోట్ 10 ఫోన్‌లో 48 మెగాపిక్స‌ల్ బ్యాక్ మెయిన్ కెమెరాకు తోడుగా మ‌రో 2 మెగాపిక్స‌ల్ డెప్త్ సెన్సార్‌, 2 మెగాపిక్స‌ల్ మాక్రో కెమెరాను ఏర్పాటు చేశారు. నోట్ 10 ప్రొ లో 64 మెగాపిక్స‌ల్ బ్యాక్ మెయిన్ కెమెరాకు తోడుగా 8 మెగాపిక్స‌ల్ అల్ట్రా వైడ్ కెమెరాలు, 2 మెగాపిక్స‌ల్ పోర్ట్రెయిట్ కెమెరా, 2 మెగాపిక్స‌ల్ బ్లాక్ అండ్ వైట్ కెమెరాను ఏర్పాటు చేశారు. ఈ రెండు ఫోన్ల‌లోనూ 5000 ఎంఏహెచ్ బ్యాట‌రీ ల‌భిస్తుంది. వీటికి ఫాస్ట్ చార్జింగ్ ఫీచ‌ర్‌ను అందిస్తున్నారు.

ఇన్పినిక్స్ నోట్ 10 ఫీచ‌ర్లు

• 6.95 ఇంచుల ఫుల్ హెచ్‌డీ ప్ల‌స్ ఎల్‌సీడీ డిస్‌ప్లే, 2460 × 1080 పిక్స‌ల్స్ స్క్రీన్ రిజల్యూష‌న్
• ఆక్టాకోర్ మీడియాటెక్ హీలియో జి85 ప్రాసెస‌ర్‌, 4/6 జీబీ ర్యామ్‌, 64/128 జీబీ స్టోరేజ్
• 256 జీబీ ఎక్స్‌పాండ‌బుల్ స్టోరేజ్‌, డ్యుయ‌ల్ సిమ్‌, ఆండ్రాయిడ్ 11
• 48, 2, 2 మెగాపిక్స‌ల్ బ్యాక్ కెమెరాలు, 16 మెగాపిక్స‌ల్ సెల్ఫీ కెమెరా
• ఫింగ‌ర్ ప్రింట్ సెన్సార్‌, డ్యుయ‌ల్ 4జి వీవోఎల్‌టీఈ, డ్యుయ‌ల్ బ్యాండ్ వైఫై
• బ్లూటూత్ 5.0, యూఎస్‌బీ టైప్ సి, 5000 ఎంఏహెచ్ బ్యాట‌రీ, ఫాస్ట్ చార్జింగ్

ఇన్ఫినిక్స్ నోట్ 10 ప్రొ ఫీచ‌ర్లు

• 6.95 ఇంచుల ఫుల్ హెచ్‌డీ ప్ల‌స్ ఎల్‌సీడీ డిస్‌ప్లే, 2460 × 1080 పిక్స‌ల్స్ స్క్రీన్ రిజల్యూష‌న్, 90 హెడ్జ్ రిఫ్రెష్ రేట్
• ఆక్టాకోర్ మీడియాటెక్ హీలియో జి95 ప్రాసెస‌ర్‌, 8 జీబీ ర్యామ్‌, 256 జీబీ స్టోరేజ్
• 2 టీబీ ఎక్స్‌పాండ‌బుల్ స్టోరేజ్‌, డ్యుయ‌ల్ సిమ్‌, ఆండ్రాయిడ్ 11
• 64, 8, 2, 2 మెగాపిక్స‌ల్ బ్యాక్ కెమెరాలు, 16 మెగాపిక్స‌ల్ సెల్ఫీ కెమెరా
• ఫింగ‌ర్ ప్రింట్ సెన్సార్‌, డ్యుయ‌ల్ 4జి వీవోఎల్‌టీఈ, డ్యుయ‌ల్ బ్యాండ్ వైఫై
• బ్లూటూత్ 5.0, యూఎస్‌బీ టైప్ సి, 5000 ఎంఏహెచ్ బ్యాట‌రీ, ఫాస్ట్ చార్జింగ్

ఇన్ఫినిక్స్ నోట్ 10 స్మార్ట్ ఫోన్ 7 డిగ్రీ ప‌ర్పుల్‌, 95 డిగ్రీ బ్లాక్‌, ఎమ‌రాల్డ్ గ్రీన్ క‌ల‌ర్ ఆప్ష‌న్ల‌లో విడుద‌లైంది. ఈ ఫోన్‌కు చెందిన 4 జీబీ ర్యామ్‌, 64 జీబీ స్టోరేజ్ మోడ‌ల్ ధ‌ర రూ.10,999 ఉండ‌గా, 6 జీబీ ర్యామ్‌, 128 జీబీ స్టోరేజ్ మోడ‌ల్ ధ‌ర రూ.11,999గా ఉంది. ఈ ఫోన్‌ను ఫ్లిప్‌కార్ట్‌లో జూన్ 13వ తేదీ నుంచి విక్ర‌యిస్తారు.

ఇన్ఫినిక్స్ నోట్ 10 ప్రొ స్మార్ట్ ఫోన్ 7 డిగ్రీ ప‌ర్పుల్‌, 95 డిగ్రీ బ్లాక్‌, నోర్డిక్ సీక్రెట్ క‌ల‌ర్ ఆప్ష‌న్ల‌లో విడుద‌లైంది. ఈ ఫోన్ ధ‌ర రూ.16,999 ఉండ‌గా దీన్ని కూడా జూన్ 13 వ తేదీ నుంచి ఫ్లిప్‌కార్ట్‌లో విక్ర‌యించ‌నున్నారు.