Tollywood : క్రేజ్ ఉన్నప్పుడు నువ్వు ఎంత డిమాండ్ చేసినా నడుస్తుంది. కానీ చేతిలో ఒక్క సినిమా పెట్టుకొని భారీగా డిమాండ్ చేస్తే, పోయి వేరే సినిమా వెతుక్కోమని.. ఏ నిర్మాత అయినా అంటాడు. ఇప్పుడు ఓ హీరోయిన్ విషయంలో అలాగే జరిగినట్లు తెలుస్తోంది. ఆ హీరోయిన్ ఒకప్పుడు ఆఫర్స్ కావాలని అడిగేది, ఇప్పుడు ఆఫర్ వస్తే మాత్రం డబ్బులను భారీగా డిమాండ్ చేస్తోందట.
సదరు హీరోయిన్ చిన్న హీరో పక్కన చేసిన సినిమా బాక్సాఫీస్ వద్ద క్లిక్ కాలేదు. అయినప్పటికీ ఆ అమ్మడికి బంపర్ ఆఫర్ ఇచ్చారు. సీనియర్ హీరో పక్కన ఛాన్స్ ఇచ్చారు. రాక రాక ఛాన్స్ వస్తే ఏ హీరోయిన్ అయినా ఎగిరి గంతేసి అవకాశం పుచ్చుకుంటుంది. కానీ ఈ అమ్మడు మాత్రం కూని రాగాలు తీసిందట.
సీనియర్ హీరో పక్కన కాబట్టి కోటిన్నర రూపాయలను డిమాండ్ చేసిందట. క్రేజ్ లేని ఆ హీరోయిన్ అంత డిమాండ్ చేయడానికి కారణం ఏంటంటే, ఆమె సీనియర్ హీరో పక్కన నటించాలి కాబట్టి.. అంతగా డిమాండ్ చేసి ఉంటుందని అనుకుంటున్నారు.
అయితే బేరాలు ఆడినా కూడా రూ.1.25 కోట్లకు తగ్గను గాక తగ్గను అంటోందట. దీంతో చేసేదేం లేక నిర్మాతలు ఆమెకు గుడ్ బై చెప్పి వేరే హీరోయిన్ వెతుకులాటలో ఉన్నట్లు తెలుస్తోంది. అంతే మరి.. కొందరు తాము ఉన్న స్థితిని అర్థం చేసుకోరు. చివరకు ఇలాగే జరుగుతుంది.
