OTT : ఈ వారం ఓటీటీల్లో అలరించనున్న మూవీలు ఇవే..!

OTT : వారం మారుతున్న కొద్దీ కొత్త కొత్త సినిమాలు ఓటీటీల్లో సందడి చేస్తున్నాయి. ఈ క్రమంలోనే ప్రేక్షకులు కూడా థియేటర్ల కన్నా ఓటీటీల్లోనే సినిమాలను చూసేందుకు ఆసక్తిని చూపిస్తున్నారు. అందులో భాగంగానే యాప్‌లు కూడా రీసెంట్‌గా రిలీజ్‌ అవుతున్న మూవీలను వీలైనంత త్వరగా తమ ప్లాట్‌ఫామ్‌లపై అందుబాటులోకి తెచ్చేందుకు యత్నిస్తున్నాయి. ఇక ఈ వారం కూడా పలు మూవీలు ఓటీటీల్లో సందడి చేయనున్నాయి. అవేమిటో ఇప్పుడు తెలుసుకుందాం.

తమిళ స్టార్‌ నటుడు చియాన్‌ విక్రమ్‌ నటించిన కోబ్రా మూవీ బాక్సాఫీస్‌ వద్ద నిరాశ పరిచింది. యాక్షన్‌ థ్రిల్లర్‌గా వచ్చిన ఈ మూవీ ప్రేక్షకులకు అంతగా నచ్చలేదు. ఇక ఈ మూవీ ఓటీటీలో స్ట్రీమ్‌ అయ్యేందుకు సిద్ధమవుతోంది. దీన్ని సోనీ లివ్‌లో సెప్టెంబర్‌ 28 నుంచి స్ట్రీమ్‌ చేయనున్నారు. అలాగే మార్లిన్‌ మన్రో జీవిత గాథ ఆధారంగా తెరకెక్కిన బ్లాండె అనే మూవీని ఈ నెల 28వ తేదీన రిలీజ్‌ చేయనున్నారు. ఇది నెట్‌ఫ్లిక్స్‌లో రిలీజ్‌ అవుతుంది.

ప్రముఖ హాలీవుడ్‌ నటుడు బ్రాడ్‌ పిట్‌ నటించిన బుల్లెట్‌ ట్రెయిన్‌ అనే మూవీ జీ5 యాప్ లో స్ట్రీమ్‌ కానుంది. ఈ నెల 29న ఈ మూవీని రిలీజ్‌ చేయనున్నారు. ఆర్య నటించిన కెప్టెన్‌ అనే మూవీ బాక్సాఫీస్‌ వద్ద నిరాశపరచగా ఈ మూవీని జీ5 యాప్ లో ఈ నెల 30వ తేదీన రిలీజ్‌ చేయనున్నారు. ఇలా పలు మూవీలు ఈ వారం ఓటీటీల్లో సందడి చేయనున్నాయి. అయితే తెలుగు సినిమాలు మాత్రం ఈ వారం ఓటీటీల్లో ఏమీ లేవు.