Kajal Aggarwal : వెండితెరపై సందడి చేసే సెలబ్రిటీలు పలు బ్రాండ్లకు అంబాసిడర్ గా వ్యవహరిస్తూ రెండు చేతులా డబ్బును సంపాదిస్తుంటారు. ఈ క్రమంలోనే కొందరు ఈ సమాజానికి ఉపయోగపడే బ్రాండ్లను ప్రమోట్ చేస్తుండగా.. మరికొందరు మాత్రం సమాజాన్ని తప్పుదోవ పట్టించే హానికరమైన వాటికి అంబాసిడర్ గా వ్యవహరిస్తున్నారు. ఈ క్రమంలోనే పొగాకు, గుట్కా, పాన్ వాటికి ప్రమోట్ చేయడం వల్ల యువత తీవ్రంగా నష్టపోతున్నారు.
గత కొద్ది రోజుల క్రితం తెలుగు నటి రెజీనా సిగ్నేచర్ విస్కీ బ్రాండ్ అంబాసిడర్ గా వ్యవహరిస్తూ సోషల్ మీడియా వేదికగా పోస్ట్ షేర్ చేయడంతో ఈ ఫోటోని వైరల్ చేస్తూ అభిమానులు పెద్ద ఎత్తున ఆగ్రహం వ్యక్తం చేశారు. ఈ విధంగా యువతను తప్పుదోవ పట్టించడానికి ఇలాంటి బ్రాండ్ లకు అంబాసిడర్ గా వ్యవహరించడం ఏంటి ? అంటూ నెటిజన్లు ఏకిపారేశారు.
https://www.instagram.com/p/CVsPa-QsThL/?utm_source=ig_web_copy_link
రెజీనా విషయం మర్చిపోకముందే వెండితెర చందమామ కాజల్ అగర్వాల్ తన భర్తతో కలిసి టీచర్స్ బ్రాండ్ మందు తాగుతూ ఈ పండుగను టీచర్స్ బ్రాండ్ స్మూతీ లిక్విడ్ తో సెలబ్రేట్ చేసుకోండి, ఇది ఫర్ ఫెక్ట్ కాంబినేషన్. ఈ విస్కీ బ్రాండ్ కి మేము అంబాసిడర్ గా మారినందుకు నాకు, కిచ్లుకి ఎంతో సంతోషంగా ఉంది. అయితే 25 సంవత్సరాలు పైబడిన వారు మాత్రమే ఈ బ్రాండ్ సేవించాలి.. అంటూ సోషల్ మీడియా వేదికగా చెప్పుకొచ్చారు.
ఈ క్రమంలోనే ఈ పోస్టు చూసిన నెటిజన్లు నీకు డబ్బుకు కొదవ లేదుకదా మరెందుకు ఇలాంటి బ్రాండ్లకు అంబాసిడర్ గా వ్యవహరిస్తూ యువతను తప్పుదోవ పట్టిస్తున్నారు.. అంటూ పెద్దఎత్తున ఫైర్ అవుతున్నారు.
స్పందించండి