JioPhone Next : టెలికాం సంస్థ రిలయన్స్ జియో.. ఈ ఏడాది జూన్లోనే జియోఫోన్ నెక్ట్స్ పేరిట అత్యంత చవక ధరకు ఓ ఆండ్రాయిడ్ స్మార్ట్ ఫోన్ను అందిస్తామని ప్రకటన చేసింది. గూగుల్తో కలిసి ఆ ఫోన్ను తీర్చిదిద్దుతున్నట్లు తెలిపింది. అయితే షెడ్యూల్ ప్రకారం జియోఫోన్ నెక్ట్స్ ఫోన్ను సెప్టెంబర్ 10న వినాయక చవితి సందర్బంగా రిలీజ్ చేద్దామని అనుకున్నారు. కానీ చిప్ల కొరత కారణంగా ఈ ఫోన్ విడుదల దీపావళికి వాయిదా పడింది.
ఈ క్రమంలోనే జియోఫోన్ నెక్ట్స్ ఫోన్ను దీపావళికి లాంచ్ చేయనున్నట్లు రిలయన్స్ జియో వెల్లడించింది. అయితే ఈ ఫోన్లో అందించనున్న ఆపరేటింగ్ సిస్టమ్ (ఓఎస్) గురించి జియో ప్రకటించింది. దీంట్లో ఆండ్రాయిడ్ ఆధారిత ప్రగతి ఓఎస్ను అందిస్తున్నట్లు తెలిపింది. ప్రగతి ఓఎస్ను ఆండ్రాయిడ్ ఆధారంగా ప్రత్యేకంగా రూపొందించారు. కేవలం జియోఫోన్ నెక్ట్స్ కోసం మాత్రమే ఈ ఓఎస్ను గూగుల్ తీర్చిదిద్దింది.
ప్రగతి ఓఎస్ భారతీయులకు అనుగుణంగా ఉంటుంది. ఇందులో వాయిస్ అసిస్టెంట్, ఆటోమేటిక్ రీడ్ అలౌడ్, లాంగ్వేజ్ ట్రాన్స్లేషన్, ఏఆర్ ఫిల్టర్స్ వంటి ఫీచర్లు లభిస్తాయి. ఇక జియో, గూగుల్ యాప్స్ను ఇన్బిల్ట్గా అందిస్తారు.
జియోఫోన్ నెక్ట్స్ ఫోన్లో 5.5 ఇంచుల హెచ్డీ ప్లస్ డిస్ప్లే, 1.3 గిగాహెడ్జ్ క్వాడ్ కోర్ ప్రాసెసర్ (క్వాల్ కామ్ 215 చిప్సెట్), డ్యుయల్ 4జి వీవోఎల్టీఈ, డ్యుయల్ బ్యాండ్ వైఫై, బ్లూటూత్ 4.2, 13, 8 మెగాపిక్సల్ బ్యాక్, ఫ్రంట్ కెమెరాలు.. వంటి ఫీచర్లను అందివ్వనున్నారని ఇదివరకే లీక్ల ద్వారా తెలిసింది. ఈ ఫోన్ను రూ.3,300 కే అందించనున్నట్లు సమాచారం. ఈ ఫోన్ను ఏపీలోని తిరుపతిలో, తమిళనాడులోని శ్రీపెరుంబుదూర్లో నియోలింక్ సొల్యూషన్స్ అనే సంస్థ ఉత్పత్తి చేస్తోంది. అయితే దీపావళి రోజున అయినా ఈ ఫోన్ను లాంచ్ చేస్తారా ? ఏమైనా ఆటంకాలు వస్తాయా ? అన్నది వేచి చూస్తే తెలుస్తుంది.
పీసీసీ అధ్యక్షుడు మహేశ్ గౌడ్ ఇటీవల నిర్వహించిన మీడియా సమావేశంలో, కవిత కాంగ్రెస్ పార్టీలో చేరేందుకు ప్రయత్నించారని, అయితే తానే…
అనిల్ రావిపూడి తనకు అలవాటైన ఫార్ములాను విడిచిపెట్టకుండా, చిరంజీవి బలాలను చక్కగా వినియోగించుకుంటూ మరోసారి సంపూర్ణ వినోదాత్మక చిత్రాన్ని అందించారు.…
ప్రపంచ ప్రఖ్యాత టెక్నాలజీ దిగ్గజం గూగుల్ 2026 సంవత్సరానికి సంబంధించిన తన ప్రతిష్ఠాత్మక ఇంటర్న్షిప్ ప్రోగ్రామ్కు దరఖాస్తులను ఆహ్వానిస్తోంది. బ్యాచిలర్,…
ఇస్రోలో ఉద్యోగం సాధించాలనుకునే యువ ఇంజనీర్లు, శాస్త్రవేత్తలకు ఇది ఒక అరుదైన అవకాశంగా భావిస్తున్నారు. అంతరిక్ష సాంకేతిక రంగంలో దేశ…
ఆ వ్యాఖ్యతో ముగిసేలా ఎడిట్ చేసిన వీడియో క్లిప్పులు విస్తృతంగా సోషల్ మీడియాలో వైరల్ అయ్యాయి. ఫ్యాక్ట్ చెకర్, ఆల్ట్…
పాన్ ఇండియా స్టార్ ప్రభాస్ అంటే కేవలం భారీ సినిమాలకే కాదు, ఆయన ఉదార స్వభావానికి కూడా ప్రత్యేక గుర్తింపు…
భద్రతా కారణాలతో భారత్లో జరిగే 2026 టీ20 ప్రపంచకప్లో పాల్గొనబోమని బంగ్లాదేశ్ క్రికెట్ బోర్డు (BCB) స్పష్టం చేయడంతో, అంతర్జాతీయ…
బీహార్ స్టాఫ్ సెలక్షన్ కమిషన్ (BSSC) నిర్వహిస్తున్న భారీ ఇంటర్ లెవల్ నియామక ప్రక్రియకు సంబంధించి ఆన్లైన్ దరఖాస్తుల గడువును…