కరోనా బాధితులలో బ్లాక్ ఇన్ఫెక్షన్.. ప్రమాదం అంటున్న నిపుణులు?

దేశవ్యాప్తంగా కరోనాతో ప్రజలు తీవ్ర భయాందోళనకు గురి అవుతుంటే తాజాగా మరొక ఇన్ఫెక్షన్ ప్రజలను వణికిస్తోంది. కరోనా బాధితులు ఎక్కువగా బ్లాక్ ఇన్ఫెక్షన్ కు గురవుతున్నారు. బ్లాక్ ఇన్ఫెక్షన్ ను ముకోర్మైకోసస్ అని పిలుస్తారు. కరోనా నుంచి కోలుకున్న కొంతమంది ఈ విధమైనటువంటి ఇన్ఫెక్షన్ గురికావడంతో అధికారులు ఎంతో ఆందోళన చెందుతున్నారు.

గత 15 రోజుల నుంచి సూరత్ లో 40 మంది ఈ ఇన్ఫెక్షన్ బారిన పడగా ఎనిమిది మంది కంటిచూపును కోల్పోయారు. మహారాష్ట్రలో ప్రస్తుతం 200 మంది ఈ బ్లాక్ ఇన్ఫెక్షన్ బారిన పడి చికిత్స తీసుకుంటున్నారు. ప్రస్తుతం ఉన్న ఈ విధమైనటువంటి పరిస్థితులలో బ్లాక్ ఇన్ఫెక్షన్ సోకడం వల్ల కంటిచూపును కోల్పోవడమే కాకుండా ఈ వ్యాధి వల్ల 50 శాతం పైగా మరణాల రేటు ఉంటుందని నిపుణులు హెచ్చరిస్తున్నారు.

కరోనా సోకిన వారిలో లేదా ఇతర దీర్ఘకాలిక వ్యాధులతో బాధపడే వారిలో ఈ విధమైనటువంటి బ్లాక్ ఇన్ఫెక్షన్ వ్యాపిస్తుంది. ఇది మన శరీరంలోని రోగ నిరోధక శక్తిని బలహీనపరుస్తుంది. కరోనా నుంచి కోలుకున్న తర్వాత రెండు మూడు రోజులలో ఈ విధమైనటువంటి ఇన్ఫెక్షన్ బయటపడటంతో చాలా మంది కంటిచూపును కోల్పోతున్నారు. కొన్నిసార్లు ఈ ఇన్ఫెక్షన్ వల్ల మరణం కూడా సంభవించవచ్చుని నిపుణులు హెచ్చరిస్తున్నారు.