Chandramukhi : చంద్రముఖి సినిమాను మిస్‌ చేసుకున్న హీరోయిన్‌ ఎవరో తెలుసా..?

Chandramukhi : తమిళ  సూపర్ స్టార్ రజినీకాంత్ నటించిన చిత్రం చంద్రముఖి ఎంతటి ఘనవిజయం సాధించిందో ప్రత్యేకంగా చెప్పాల్సిన అవసరం లేదు. మాలీవుడ్ లో సూపర్ హిట్ అయిన మనిచిత్రతాయా అనే సినిమాకు రీమేక్ గా తెలుగు మరియు తమిళ్ లో చంద్రముఖి చిత్రంగా తెరకెక్కించారు. సస్పెన్స్ థ్రిల్లర్ గా తెరకెక్కిన  చంద్రముఖిలో జ్యోతిక తన నట విశ్వరూపాన్ని చూపించింది. ఇక ఈ మూవీ అనగానే బాగా గుర్తుచ్చే డైలాగ్స్ జ్యోతిక రా రా ఇంకా రజనీకాంత్ లక లక లక అనే డైలాగ్స్ అప్పట్లో ప్రేక్షకులను ఎంతగానో ఆకట్టుకున్నాయి. ఈ సినిమాలో రజనీకాంత్ మరియు జ్యోతిక ఎంతో అద్భుతంగా నటించి ప్రేక్షకులను ఆకట్టుకున్నారు. ఇక ఈ సినిమాకు సీక్వెల్ కూడా ఇటీవలే స్టార్ట్ అయ్యింది. చంద్రముఖి సీక్వెల్ లో  హీరోగా రాఘవ లారెన్స్ నటిస్తున్నారు.

ఈ చిత్రాన్ని మొదట్లో విఎన్ ఆదిత్య తెలుగు రీమేక్ కు దర్శకుడిగా ఫైనల్ అయిన టైములో  చిరంజీవి చేయాలనుకున్నారట. ఆ తర్వాత ఈ చిత్రానికి సంబంధించిన పనులు పోస్ట్ పోన్ అవుతూ వచ్చాయి. దాంతో చిరంజీవి ఈ సినిమాను పక్కన పెట్టేశారు. ఇక మాలీవుడ్ లో సూపర్ హిట్ అయిన మనిచిత్రతాయా మూవీ రజనీకాంత్ కు బాగా నచ్చడంతో వెంటనే తెలుగు మరియు తమిళ్ భాషలలో రీమేక్ చేయాలని నిర్ణయించుకున్నారట. చంద్రముఖి చిత్రానికి దర్శకుడిగా పి వాసును ఫైనల్ చేయడం జరిగింది. ఇక ఈ సినిమాలో జ్యోతిక తన నట విశ్వరూపాన్ని చూపించి ఎంతో మంది ప్రముఖుల ప్రశంసలను అందుకుంది.

చంద్రముఖి పాత్రను జ్యోతిక తప్ప మరెవ్వరూ చేయలేరు అనేవిధంగా జ్యోతిక ప్రశంసలు అందుకుంది. ఇక ఈ సినిమాలో ముందుగా మెయిన్ పాత్రలో హీరోయిన్ స్నేహను అనుకోవటం జరిగిందట. స్నేహ హోమ్లీ హీరోయిన్ కాబట్టి ఈ పాత్రకు సెట్ అవ్వదని భావించి హీరోయిన్ సిమ్రాన్ వద్దకు వెళ్లారట. కానీ అదే సమయంలో సిమ్రాన్ గర్భవతిగా ఉండడంతో ఈ సినిమా చేయలేక పోయింది. ఇక చివరకు ఈ అవకాశం జ్యోతిక దగ్గరకు వెళ్లడంతో చంద్రముఖి పాత్రలో జ్యోతిక తన నట విశ్వరూపంతో తన స్టామినా ఏంటో ఇండస్ట్రీకి తెలియజేసింది.