Devi Nagavalli : స్లో అండ్ స్టడీగా సినిమాలు చేసుకుంటూ వెళుతుంటున్న యువ హీరో విశ్వక్ సేన్. మనోడు హిట్, ఫ్లాప్స్తో సంబంధం లేకుండా సినిమాలు చేస్తున్నాడు. తాజాగా ఆయన నటించిన సినిమా అశోక వనంలో అర్జున కళ్యాణం. విద్యా సాగర్ చింత దర్శకత్వం వహించిన ఈ సినిమా మే 6న విడుదలకు సిద్ధంగా ఉంది. ఈ సినిమా విడుదలకు సమయం దగ్గరపడుతుండంతో చిత్ర యూనిట్ ప్రమోషన్స్ స్పీడు పెంచింది. వివిధ రకాలుగా ప్రమోషన్ కార్యక్రమాలు చేపడుతున్నారు. రీసెంట్గా ఓ ప్రాంక్ వీడియో చేసి హాట్ టాపిక్గా మారారు.
మూవీ ప్రమోషన్లో భాగంగా ఓ అభిమాని చేత పెట్రోల్తో సూసైడ్ ప్రయత్నం చేసుకునే విధంగా ప్రాంక్ వీడియో చేయించడంపై అభ్యంతరం వ్యక్తం చేస్తూ అడ్వకేట్ అరుణ్ కుమార్ హీరో విశ్వక్ సేన్, మూవీ టీంపై చర్యలు తీసుకోవాలని హెచ్ఆర్సీకి ఫిర్యాదు చేశారు. సినిమా ప్రమోషన్స్ పేరుతో రోడ్లపై న్యూసెన్స్ చేస్తూ పబ్లిక్కు అంతరాయం కలిగిస్తున్నారని ఆయన ఆరోపించారు. పబ్లిక్ ప్లేస్లో సినిమా ప్రమోషన్స్ చేయకుండా చూసేలా పోలీసులకు ఆదేశాలివ్వాలని ఆయన కోరారు. అడ్వకేట్ అరుణ్ కుమార్ ఫిర్యాదును హెచ్ఆర్సీ స్వీకరించింది.
Nagavalli VS Viswaksen 🔥🔥 pic.twitter.com/aTrQYAsnZp
— Andhra Progress (@AndhraProgress) May 2, 2022
ఈ సంఘటనపై వివరణ కోరేందుకు విశ్వక్ సేన్ ని ఓ మీడియా సంస్థ ఇంటర్వ్యూకి పిలిచింది. విశ్వక్ సేన్ ప్రాంక్ వీడియోపై ఆ న్యూస్ చానల్ యాంకర్ దేవీ నాగవల్లి ప్రశ్నలు అడిగింది. సరైన సమాధానం చెప్పకుండా విశ్వక్ వెరైటీ సమాధానాలు చెప్పాడు. దీంతో ఆమెకి చిర్రెత్తుకొచ్చి గెట్ అవుట్ అంటూ విరుచుకుపడింది. దీంతో యు ఫ.. గయ్స్ కాల్డ్ మీ.. అంటూ ఆమెపై విరుచుకు పడ్డాడు విశ్వక్. సహనం కోల్పోయిన యాంకర్ యు గెటవుట్ ఫస్ట్ ఫ్రమ్ స్టూడియో.. అంటూ పదే పదే చెప్పడంతో నేను బయటకు పోతే నా గురించి ఇష్టమొచ్చినట్లు చెబుతారు.. యు జస్ట్ షటప్.. అంటూ బయటకు వచ్చేశాడు. ఈ క్రమంలో విశ్వక్ సేన్ అలా దేవీ నాగవల్లిని ఇష్టం వచ్చినట్లుగా దారుణంగా తిట్టిన వీడియో సామాజిక మాధ్యమాల్లో వైరల్గా మారింది. అయితే ప్రస్తుతం ఈ వ్యవహారం కోర్టు పరిధిలో ఉన్నందున ఏం తీర్పు వస్తుందో చూడాలి.
