Chiranjeevi : క‌మ‌ల్ స్వాతిముత్యం సినిమాని కాపీ కొట్ట‌బోయి.. ఫెయిలైన చిరంజీవి.. అస‌లు విష‌యం ఏమిటి..?

Chiranjeevi : క‌మ‌ల్ హాసన్ న‌టించిన సూప‌ర్ హిట్ చిత్రాల‌లో స్వాతిముత్యం ఒక‌టి. ద‌ర్శ‌కుడు కే విశ్వ‌నాథ్ తెర‌కెక్కించిన ఈ చిత్రం మార్చి 27, 1985న విడుదల అయింది. ఇందులో కమల్ హాసన్ హీరోగా.. రాధిక హీరోయిన్ గా నటించారు. పెద్దలను ఎదురించి పెళ్లి చేసుకున్న ఒక సాంప్రదాయ సామాన్య కుటుంబానికి చెందిన యువతి, చిన్నప్పుడే భర్త పోతే ఎదుర్కున్న పరిస్థితులు.. అనుకోకుండా ఆమె జీవితంలోకి వచ్చిన ఒక అమాయకపు యువకుడు.. ఆ తరువాత వారిద్దరి జీవన ప్రయాణం ఎలా కొనసాగింది అనే నేప‌థ్యంలో విశ్వ‌నాథ్ ఈ చిత్రాన్ని క్లాసిక‌ల్ మూవీగా తెర‌కెక్కించారు.

చిత్రంలో క‌మల్ హాస‌న్ మంద బుద్ధిగ‌ల పాత్ర‌లో చాలా అద్భుతంగా న‌టించారు. ఈ సినిమాతో కమల్ హాసన్ కి, నిర్మాత ఏడిద నాగేశ్వరరావుకి, దర్శకుడు కే.విశ్వనాథ్ కి ఉత్తమ జాతీయ అవార్డులతో పాటు నంది అవార్డులు, ఫిలింఫేర్ అవార్డులు లభించాయి. స్వాతిముత్యం సక్సెస్ సాధించిన తరువాత తమిళంలో కూడా ఈ చిత్రాన్ని డబ్బింగ్ చేసి అక్క‌డ కూడా మంచి విజ‌యాన్ని అందుకున్నారు క‌మ‌ల్ . అనంత‌రం ఈ చిత్రం కన్నడ, హిందీ భాషల్లో రీమేక్ చేయబడింది. ఎంతో స్టార్ డం ఉన్న క‌మ‌ల్ హాస‌న్ ఈ సినిమాలో మందబుద్ధి కలిగిన పాత్రలో నటించడం అప్పట్లో పెద్ద సాహసమనే చెప్పాలి.

మ‌రోవైపు ఈ సినిమాలో మంద బుద్ది పాత్ర పోషించిన క‌మ‌ల్ హాస‌న్‌తో రాధికకి ఓ ల‌వ్ సాంగ్ పెట్టాడు. వీరిద్ద‌రి మ‌ధ్య రొమాన్స్ ప్రేక్ష‌కుల‌ని ఎంత‌గానో అల‌రించింది. ఈ మాదిరిగానే చిరంజీవి కూడా ఆరాధన చిత్రం కోసం హీరోయిన్ సుహాసినితో రొమాన్స్ చేయాల్సి ఉండగా.. కమల్ హాసన్ ని కాపీ కొట్టబోయి విఫలం చెందారట. ఒకరినీ కాపీ కొట్టడంలో ఎలాంటి ఉపయోగం ఉండదని.. మీలా మీరు నటించండి అంటూ దర్శకుడు చెప్పడంతో ఆ ప్రయత్నాన్ని చిరంజీవి విరమించుకున్నాడని తెలుస్తుంది. క‌మ‌ల్ హాస‌న్, చిరంజీవి సినిమా ఇండ‌స్ట్రీలో ఎంతో పేరు ప్ర‌ఖ్యాత‌లు పొందిన హీరోలు అనే విష‌యం మ‌న‌కు తెలిసిందే.