Bigg Boss 5 : బిగ్ బాస్ హౌస్ లోకి ఈ మోడల్ వైల్డ్ కార్డ్ ఎంట్రీ ఇవ్వ‌నుందా..?

Bigg Boss 5 : బిగ్ బాస్ సీజన్ 5 తెలుగు బుల్లితెరపై విపరీతమైన బజ్ ని క్రియేట్ చేసింది. అయితే ఈ బిగ్ బాస్ హౌస్ లో ఎలిమినేషన్స్ తో పాటు వైల్డ్ కార్డ్ ఎంట్రీలనేవి చాలా కామన్. గత సీజన్స్ లో కూడా వైల్డ్ కార్డ్ ఎంట్రీ ద్వారా దీక్షాసేత్, పూజా, కుమార్ సాయి, ముక్కు అవినాష్, స్వాతి దీక్షిత్ లను పంపారు. అయితే ఈసారి సీజన్ 5 లో 19 మంది కంటెస్టెంట్స్ ని ఒకేసారి ఇంటి లోపలికి పంపారు.

దీంతో బుల్లితెర ప్రేక్షకులకు ఈసారి వైల్డ్ కార్డ్ ఎంట్రీ ఉంటుందా లేదా అనేది తెలియాలని.. చాలా మంది అభిప్రాయపడ్డారు. సోషల్ మీడియా వేదికగా బిగ్ బాస్ కు వైల్డ్ కార్డ్ ఎంట్రీతో యాంకర్ వర్షిణి, విష్ణు ప్రియలు హౌస్ లో ఎంట్రీ ఇస్తారని అనుకున్నారు. కానీ దానిపై ఏ ఒక్కరూ స్పందించలేదు. లేటెస్ట్ సమాచారం ప్రకారం మరో బ్యూటీ వైల్డ్ కార్డ్ ద్వారా ఎంట్రీ ఇస్తుందని అనుకుంటున్నారు. ఈ క్రమంలోనే ప్రీతి అన్షూ బిగ్ బాస్ లోకి ఎంట్రీ ఇస్తుందని అంటున్నారు. అయితే ప్రీతి అన్షూ ఎవరంటే.. ఆమె ఓ మోడల్.

మై దిల్ అనే ఓ షార్ట్ ఫిల్మ్ లో యాక్ట్ చేసింది. నటిగా మంచి క్రేజ్ ని తెచ్చుకోవాలని అనుకుంటుందట. అయితే ఈమెకు బిగ్ బాస్ ఎలా ఆఫర్ ఇస్తాడంటూ వార్తలు వస్తున్నా.. ఇదంతా వైరల్ అవ్వడానికి చేసే ఓ స్ట్రాటజీ అంటూ కొంతమంది నెటిజన్లు కొట్టిపారేస్తున్నారు. ఇదిలా ఉంటే మొదట్లో ప్రీతి అన్షూ బిగ్ బాస్ లోకి వైల్డ్ కార్డ్ తో ఎంట్రీ ఇస్తుందని అనుకున్నవారే.. అదేం లేదు ఫేక్ న్యూస్ అంటూ క్లారిటీ ఇచ్చారు. ఈ రూమర్స్, గాసిప్స్ పుణ్యమా అని మోడల్ ప్రీతి అన్షూ పేరు నెట్టింట్లో తెగ వైరల్ అవుతోంది.