Bigg Boss 5 : బిగ్ బాస్ సీజన్ 5 కార్యక్రమంలో శనివారం చాలా వాడివేడిగా సాగింది. ముఖ్యంగా సన్నీని దోషిగా చూపించే ప్రయత్నం చేశారు. ఇది సన్నీ అభిమానులకి బాధను కలిగించింది. షో మొదట్లో భీమ్లా నాయక్ పాటతో వచ్చిన నాగార్జున శుక్రవారం ఏం జరిగిందో చూపించారు. సన్నీ అన్ని మాటలు అన్నందుకు సిరి బాధపడగా, సిరి మాటలకు సన్నీ బాధపడుతూ కనిపించారు. ఇక అనీ మాస్టర్, కాజల్ బద్ద శత్రవులుగా మారారు.
సీక్రెట్ రూంలో ఉన్న జెస్సీని డాక్టర్లు పరీక్షించి.. ఎలా ఉందని అడిగాడు. తల తిరిగిపోయి చేతులు వంకర్లు పోతున్నట్టు.. బాడీని ఎవరో పట్టుకున్నట్టుగా అనిపిస్తోంది.. పెదాలు ఉబ్బినట్టుగా అనిపిస్తోంది.. అని చెప్పాడు. మీ స్కాన్ రిపోర్ట్ చూశాక అంతా నార్మల్గానే ఉంది. ప్రమాదం ఏమీ లేదు. అయితే ప్రస్తుతం వాడుతున్న మెడిసిన్కి ఇది నార్మల్ పరిస్థితిలో ఉంటే.. రికవరీ అయ్యేవారు. మీకు ఇలా ఎందుకు జరుగుతుందో తెలుసుకోవాలంటే పూర్తిగా మిమ్మల్ని పరీక్షించాల్సి ఉంది అని వైద్యులు చెప్పారు.
నాగార్జున కూడా జెస్సీ ఆరోగ్య పరిస్థితిని అడిగి తెలుసుకున్నారు. ఇప్పుడు కాస్త ఫర్వాలేదని అన్నాడు. రిపోర్ట్స్ అన్నీ బాగుంటే లోపలికి పంపిస్తా అని చెప్పాడు. ఇక నాగార్జున ఇంటి సభ్యులతో ఎఫ్ఐఆర్ గేమ్ ఆడించారు. మొదటగా అనీ.. కాజల్పై ఎఫ్ఐఆర్ ఫైల్ చేసింది. అనీనీ అందరు సపోర్ట్ చేయడంతో కాజల్ షాక్ అయింది.
తర్వాత రవి.. వెరీ బ్యాడ్ బిహేవియర్, లూజ్ టంగ్ అంటూ సన్నీపై ఎఫ్ఐఆర్ నమోదు చేశాడు. తంతా, అప్పడం చేసి అమ్మేస్తా అన్నాడని రవి చెప్పడంతో తాను అనలేదని బుకాయించాడు సన్నీ. దీంతో నాగ్ వీడియో ప్లే చేసి సన్నీ ఎలా ప్రవర్తించాడో చూపించాడు. అందరు సన్నీని ముద్దాయిగా తేల్చారు. తర్వాత సన్నీ.. సిరిని బోనులో నిలబెట్టి ఎఫైఆర్ ఫైల్ చేశాడు. కానీ మానస్, కాజల్ తప్ప అందరూ సిరిని నిర్దోషి అని పేర్కొన్నారు.
మానస్.. అనీ మాస్టర్పై ఎఫ్ఐఆర్ నమోదు చేసినప్పటికీ అది వీగిపోయింది. శ్రీరామచంద్ర.. ప్రియాంకను బోనులో పెట్టాడు. ఎన్ని పాటలు పాడినా 100 రూపాయల కంటే ఎక్కువ ఇవ్వలేదని ఆరోపించాడు. మానస్ గట్టిగా అరవడం నచ్చలేదని అతడిని ప్రియాంక బోనులో పెట్టింది. అయితే హౌస్మేట్స్ మానస్ను నిర్దోషిగా తేల్చారు. తర్వాత కాజల్.. అనీ తనను వెక్కిరిస్తుందంటూ బోనులో నిలబెట్టింది. అయితే ఆమె వెక్కిరించలేదని, అది తన బాడీ లాంగ్వేజ్ అని సిరి వాదించింది.
షణ్ను.. నేను ఆడవాళ్లను అడ్డం పెట్టుకుని ఆడతాననడం, నన్ను యూట్యూబ్ వరకే అని చెప్పడం నచ్చలేదంటూ సన్నీని బోనులో నిలబెట్టాడు. దీనికి సంబంధించిన వీడియో కూడా ప్లే చేసి చూపించగా.. రవి, శ్రీరామ్, సిరి, అనీ.. సన్నీనే ముద్దాయిగా తేల్చారు. సిరి, సన్నీ గొడవ పడుతుంటే షణ్ను మధ్యలోకి రావడం వల్లే గొడవ పెద్దదైందని తెలిపింది కాజల్. మొత్తం మీద నామినేషన్స్లో ఉన్న వారిలో సన్నీని సేవ్ చేశాడు బిగ్ బాస్.
