Bigg Boss 5 : బిగ్ బాస్ హౌజ్ నుండి బయటకు వచ్చిన కంటెస్టెంట్స్ రెమ్యునరేషన్ ఇప్పుడు హాట్ టాపిక్గా మారుతున్న విషయం తెలిసిందే. ప్రతి వారం ఒక్కొక్కరుగా బయటకు వస్తుండగా, ఈ వారం జస్వంత్ పడాల ఎలిమినేట్ అయ్యాడు. నామినేషన్లో లేకపోయినా అనారోగ్యం కారణంగా అతడిని ఎలిమినేట్ చేశారు.
అయితే అతనికి వారానికి రూ. 1.50 లక్షలు పారితోషికం ఇచ్చినట్లు తెలుస్తోంది. ఈ లెక్కన పది వారాలకు గాను మొత్తం రూ.10 -15 లక్షల వరకు వెనకేసుకున్నట్లు అంచనా.
ఓ వారం రోజులుగా జస్వంత్ అనారోగ్యంతో బాధపడుతున్నాడు. ఈ నేపథ్యంలో అతన్ని హౌస్ నుండి బయటికి పంపడమే ఉత్తమం అని బిగ్ బాస్ భావించారు. జస్వంత్ ని సీక్రెట్ రూమ్ కి పిలిచిన బిగ్ బాస్.. అక్కడ పలు టెస్ట్లు చేయించాడు. పూర్తి వైద్యం తీసుకోవలసిన అవసరం అతనికి ఉందని ఎలిమినేట్ చేసి పంపారు. ఈ క్రమంలో కాజల్ సేవ్ అయింది.
సీక్రెట్ రూమ్లో పెడితే తనను తిరిగి హౌస్లోకి పంపిస్తారేమోనని వేయి కళ్లతో ఎదురు చూసిన జెస్సీకి నిరాశే ఎదురైంది. అయితే జెస్సీ వెళ్లిపోయేముందు కంటెస్టెంట్లకు పలు సూచనలు, సలహాలు ఇచ్చాడు.
కాజల్ను.. అందరినీ నమ్మకు, నీ ఆట నువ్వు ఆడు.. అంటూ హెచ్చరించాడు. సిరికి ముద్దుల వర్షం కురిపించాడు. ఇక హౌజ్లో పిల్లాడిలా ఉన్న జెస్సీ బయటకు వచ్చాక మిస్టర్ మజ్నుగా మారాడు. అరియానాతో తెగ సందడి చేశాడు.
స్పందించండి