Bahubali Netflix Series : బాహుబ‌లి నెట్‌ఫ్లిక్స్ సిరీస్ ర‌ద్దుకు కార‌ణం ఇదేనా ?

Bahubali Netflix Series : ఇండియ‌న్ బాక్సాఫీస్ వ‌ద్ద బాహుబ‌లి రెండు సినిమాలు సృష్టించిన క‌లెక్ష‌న్ల సునామీ అంతా ఇంతా కాదు. బాహుబ‌లి సినిమా భార‌తీయ చిత్ర ప‌రిశ్ర‌మ‌లో ఒక ట్రెండ్‌ను సెట్ చేసింది. దీంతో ఈ మూవీల‌కు ప్రీక్వెల్‌గా ఓ సిరీస్‌ను తీయాల‌ని అప్ప‌ట్లో నిర్ణ‌యించారు. నెట్‌ఫ్లిక్స్ ఈ భారీ ప్రాజెక్టుకు పూనుకుంది. అయితే తాజాగా ఈ సిరీస్‌ను ర‌ద్దు చేయాల‌ని నిర్ణ‌యం తీసుకున్నారు. దీంతో అస‌లు అన్ని కోట్లు ఖ‌ర్చు పెట్టి మ‌రీ ఈ సిరీస్‌ను ఎందుకు ర‌ద్దు చేశార‌ని.. ప్రేక్ష‌కులు స‌మాధానాల కోసం వెదుకుతున్నారు.

ఇక అస‌లు విష‌యానికి వ‌స్తే.. ర‌చ‌యిత ఆనంద్ నీల‌కంఠ‌న్‌.. ది రైజ్ ఆఫ్ శివ‌గామిని ర‌చించారు. బాహుబ‌లి మొద‌టి పార్ట్‌కు 40 ఏళ్ల ముందు అస‌లు ఏం జ‌రిగింది ? అన్న వివ‌రాలు ఆ క‌థ‌లో ఉంటాయి. అందులో ప్ర‌ధానంగా శివ‌గామి, క‌ట్ట‌ప్ప‌ల మ‌ధ్య ప్రేమ క‌థ‌, మాహిష్మ‌తి సామ్రాజ్యం గురించిన ముఖ్య‌మైన విశేషాలు.. ఉన్నాయి. ఈ క్ర‌మంలోనే నెట్ ఫ్లిక్స్ దీన్ని.. బాహుబ‌లి: బిఫోర్ ది బిగినింగ్ పేరిట సిరీస్‌లా తీయాల‌ని భావించింది.

అయితే తాజాగా ఈ సిరీస్‌ను ర‌ద్దు చేస్తున్న‌ట్లు నెట్‌ఫ్లిక్స్ ప్ర‌క‌టించింది. ఇప్ప‌టి వ‌ర‌కు ఈ ప్రాజెక్టుపై రూ.150 కోట్ల మేర ఖ‌ర్చు పెట్టార‌ని స‌మాచారం. అయిన‌ప్ప‌టికీ నెట్‌ఫ్లిక్స్ ఈ ప్రాజెక్టును ర‌ద్దు చేయాల‌నే ముందుకు సాగింది.

అయితే ఈ సిరీస్ గురించి రాజ‌మౌళి ఇప్ప‌టి వ‌ర‌కు ప‌ట్టించుకోలేద‌ట‌. నిర్మాత శోభు యార్ల‌గ‌డ్డ.. రాజ‌మౌళిని ఒప్పించ‌డంలో ఫెయిల్ అయిన‌ట్లు తెలిసింది. రాజ‌మౌళి అస‌లు ఏమాత్రం ఈ ప్రాజెక్టు వైపు చూడ‌లేద‌ట‌. ఇక దేవా క‌ట్టా, ప్ర‌వీణ్ స‌త్తారులు వెబ్ సిరీస్‌ను తీసి ఫ‌స్ట్ కాపీని సిద్ధం చేసినా నెట్‌ఫ్లిక్స్‌కు అది ఏమాత్రం న‌చ్చ‌లేద‌ట‌. మ‌రోవైపు రాజ‌మౌళి ప‌ట్టించుకోలేదు. అందువ‌ల్లే ఇక‌పై ఈ ప్రాజెక్టును ముందుకు కొన‌సాగించ‌లేమ‌ని భావించిన నెట్ ఫ్లిక్స్ రూ.150 కోట్లు పెట్టిన‌ప్ప‌టికీ ఈ ప్రాజెక్టును ర‌ద్దు చేయాల‌నే నిర్ణ‌యం తీసుకుంది.

అయితే రాజ‌మౌళి ఈ సిరీస్ గురించి ప‌ట్టించుకుని కాస్తంత శ్ర‌ద్ధ వ‌హించి ఉంటే ఈ సిరీస్ ఇప్ప‌టికే రిలీజ్ అయి ఉండేద‌ని అంటున్నారు. అస‌లు రాజ‌మౌళి దీని గురించి ఎందుకు ప‌ట్టించుకోలేదో అర్థం కావ‌డం లేద‌ని ప‌లువురు అంటున్నారు. మ‌రి దీనిపై రాజ‌మౌళి స్పందిస్తారో లేదో చూడాలి..!