Aryan Khan : బాలీవుడ్ డ్రగ్స్ కేస్ లో అరెస్ట్ అయిన ఆర్యన్ ఖాన్ కు తన పేరేంట్స్ తో మాట్లాడే అవకాశం కల్పించారు. ముంబైలో ఆర్థర్ రోడ్ జైలు నుండి వీడియో కాల్ లో షారుఖ్ ఖాన్, గౌరీ ఖాన్ తో మాట్లాడారు. ఈ క్రమంలో కన్నీటి పర్యంతమైనట్లుగా తెలుస్తోంది. జైలులో ఉన్న ప్రతి వ్యక్తికి ఇంట్లో వాళ్ళకు ఫోన్ చేసుకునే అవకాశాన్ని కల్పిస్తారు. అలాగే ఆర్యన్ కు వీడియో కాల్ అవకాశాన్ని కల్పించారు.
డ్రగ్స్ కేసులో ఆర్యన్ బెయిల్ పిటిషన్ పై రెండు రోజులుగా విచారణ జరిపిన సెషన్స్ కోర్ట్ తీర్పును రిజర్వ్ లో పెట్టింది. దీంతో ఆర్యన్ మరో 4 రోజుల పాటు ఆర్థర్ రోడ్ జైలులో ఉండాల్సిందే. ఆర్యన్ ఖాన్ లో జైలులో క్యాంటీన్ ఖర్చులకు రూ.4500 లను కుటుంబ సభ్యులు పంపారు. ఆర్యన్ ఖాన్ కు ఖైదీ నంబర్ N956 ను ఇచ్చారు. కరోనా పరీక్షల్లో ఆర్యన్ తో పాటు ఆర్భాజ్ కు నెగిటివ్ వచ్చిందని.. అతన్ని సాధారణ సెల్ కు తరలించారు. మరోవైపు పేరెంట్స్తో వీడియో కాల్ కూడా చేయించారట. ఆ సమయంలో ఆర్యన్ గుక్క పెట్టి ఏడ్చినట్టు తెలుస్తోంది.
అక్టోబర్ 2వ తేదీన ముంబై క్రూయిజ్ లో డ్రగ్స్ పార్టీలో జరిగిన రైడ్ లో ఆర్యన్ ఖాన్ ని పోలీసులు అరెస్ట్ చేశారు. అతని బెయిల్ పిటిషన్ పై వరుసగా హీట్ డిస్కషన్స్ జరిగాయి. ఆర్యన్ బెయిల్ పిటిషన్ ను మరోసారి వ్యతిరేకించారు. ఎన్సీబీ ఆరోపణలను ఆర్యన్ తరపు న్యాయవాదులు కొట్టిపారేశారు. సెలబ్రిటీస్ పిల్లలైతే తప్పు చేస్తే బెయిల్ ఇవ్వకూడదని అన్నారు. ఈ క్రమంలో ఇద్దరూ వాదనలు విన్న న్యాయమూర్తి తీర్పును ఈనెల 20వ తేదీ వరకు రిజర్వ్ లో పెట్టారు. మరి 20వ తేదీకైనా ఆర్యన్ ఖాన్ బెయిల్ విషయం ఓ కొలిక్కి వస్తుందో.. లేదో.. చూడాలి.
స్పందించండి