Aha : తెలుగు డిజిటల్ ఇండస్ట్రీలో అత్యంత వేగంగా డెవలెప్ అవుతున్న స్ట్రీమింగ్స్ లో ఆహా ఒకటి. ఈ ఓటీటీని అల్లు అరవింద్ స్థాపించారు. ఇందులో ఇంట్రెస్టెంగ్ కంటెంట్ తో ప్రేక్షకుల్ని అలరించేందుకు ఎప్పటికప్పుడు కొత్త కొత్త ఆలోచనల్ని, ప్లాన్స్ ని తీసుకు వస్తూనే ఉన్నారు. తెలుగు ప్రేక్షకులను ఎంతగానో అలరిస్తున్న ఆహా సక్సెస్ ఫుల్ గా 20 నెలలు పూర్తి చేసుకుని తెలుగులో బిగ్గెస్ట్ ఓటీటీ వేదికగా నిలిచింది. ఈ యాప్ ని చాలా ఫాస్ట్ గా అభివృద్ధి చేస్తున్నారు. 50 మిలియన్స్ కు పైగా వినియోగదారులున్న ఈ యాప్ ని ఎప్పటికప్పుడు బెటర్ చేయడానికి ట్రై చేస్తున్నారు.
టెక్నికల్ గా కూడా సూపర్ ఫాస్ట్ గా దూసుకుపోతోంది. ఈ క్రమంలో ఆడియన్స్ ని ఫుల్ గా ఎంటర్ టైన్ చేస్తున్న నటీనటుల్ని, సాంకేతిక నిపుణుల్ని ఆహా అవార్డ్స్ తో సత్కరించాలని అనుకుంటోంది. 20 నెలలు, 50 మిలియన్ వినియోగదారులు, 13 మిలియన్ ఇన్ స్టాల్స్.. విభిన్నమైన కంటెంట్ తోపాటు ఒరిజినల్ కంటెంట్ ని కూడా ప్రొడ్యూస్ చేస్తోంది. ప్రపంచంలో తెలుగు ప్రేక్షకులకు ఒకే వేదికగా మారి స్ట్రీమింగ్ ఫ్లాట్ ఫామ్ గా ప్రేక్షకుల్ని ఎంటర్ టైన్ చేయడమే లక్ష్యంగా పెట్టుకుంది అనడంలో ఎలాంటి సందేహం లేదు.
ఇక ఆహా ఓటీటీలో 100 శాతం ఎంటర్ టైన్ మెంట్ అవార్డ్స్ తో తన 20 నెలల్లో టెక్నికల్ టీమ్ ను, యాక్టర్స్ ను గౌరవించే కార్యక్రమం నిర్వహించనున్నారు. ముఖ్యంగా ప్రేక్షకులు ఎక్కువగా ఆదరించిన వారిని సెలెక్ట్ చేయడానికి ప్రేక్షకులకు మంచి అవకాశాన్ని ఆహా టీమ్ అందిస్తోంది. ఈ క్రమంలో ఉత్తమ వెబ్ సిరీస్, ఉత్తమ దర్శకుడు, ఉత్తమ నటులు, ఉత్తమ సహాయ నటుడు, ఉత్తమ హాస్య నటుడు, బెస్ట్ డెబ్యూ, బెస్ట్ మ్యూజిక్ డైరెక్టర్, ఉత్తమ నాన్ ఫిక్షన్ వెబ్ సిరీస్, ఉత్తమ చిత్రం ఇలా పలు రకాల కేటగిరీల్లో ఆహా అవార్డ్స్ ని అందించనున్నారు.
