Jowar Flour : ఈ పిండి గురించి తెలుసా..? ఇందులో దాగి ఉన్న ర‌హ‌స్యాలు ఇవే..!

Jowar Flour : పూర్వం మన పెద్ద‌లు ఆరోగ్యక‌ర‌మైన ఆహారం తినే వారు. అందుక‌నే వారు ఎక్కువ ఏళ్ల పాటు జీవించ‌గ‌లిగారు. కానీ మ‌నం వారు తిన్న ఆహారాన్ని మ‌రిచిపోతున్నాం. జంక్ ఫుడ్‌నే ఎక్కువ‌గా తింటున్నాం. అందువ‌ల్ల రోగాల బారిన ప‌డుతున్నాం. అందువ‌ల్ల మ‌న పెద్ద‌లు తిన్న ఆహారాల‌నే మ‌నం కూడా తినాలి. ఇక అలాంటి ఆహారాల్లో జొన్న‌లు కూడా ఒక‌టి. పూర్వం మ‌న పెద్ద‌లు జొన్న‌ల‌తో రొట్టెలు, సంగ‌టి, బువ్వ చేసుకుని తినేవారు. అయితే సంగ‌టి, బువ్వ తిన‌డం క‌ష్టం. కానీ జొన్న పిండితో రొట్టెల‌ను చేసుకుని తిన‌వ‌చ్చు. వీటిని ఎవ‌రైనా స‌రే చేసుకోవ‌చ్చు. జొన్న పిండితో జావ కూడా చేసి తాగ‌వ‌చ్చు. దీంతో మ‌న‌కు ఎన్నో లాభాలు క‌లుగుతాయి.

జొన్న‌ల్లో కాల్షియం అధికంగా ఉంటుంది. క‌నుక వీటిని తీసుకుంటే ఎముక‌లు బ‌లంగా మారుతాయి. చిన్నారుల్లో అయితే ఎదుగుద‌ల స‌రిగ్గా ఉంటుంది. పొడ‌వుగా పెరుగుతారు. జొన్న‌ల్లో ఐర‌న్ అధికంగా ఉంటుంది. దీని వ‌ల్ల ర‌క్తం అధికంగా ఉత్ప‌త్తి అవుతుంది. దీంతో ర‌క్త‌హీన‌త నుంచి బ‌య‌ట ప‌డ‌వ‌చ్చు. ఇక జొన్న‌ల్లో ఫైబ‌ర్ కూడా ఎక్కువ‌గానే ఉంటుంది. ఇది నెమ్మ‌దిగా జీర్ణ‌మ‌వుతుంది. దీంతో షుగ‌ర్ లెవ‌ల్స్ కంట్రోల్ అవుతాయి. డ‌యాబెటిస్ అదుపులో ఉంటుంది.

జొన్న‌ల‌ను తిన‌డం వ‌ల్ల శ‌రీరంలోని కొవ్వు క‌రుగుతుంది. అధిక బ‌రువు త‌గ్గుతారు. వీటిల్లో ఉండే ఫైబ‌ర్ జీర్ణ స‌మ‌స్య‌ల‌ను త‌గ్గిస్తుంది. దీంతో అజీర్ణం, గ్యాస్‌, అసిడిటీ, మ‌ల‌బ‌ద్ద‌కం వంటి స‌మ‌స్య‌లు త‌గ్గుతాయి. జొన్న‌ల‌ను తిన‌డం వ‌ల్ల రోగ నిరోధ‌క శ‌క్తి పెరుగుతుంది. దీని వ‌ల్ల సీజ‌న‌ల్ వ్యాధులు రాకుండా ఉంటాయి. అలాగే జ్వ‌రాలు రావు. రోగాల బారి నుంచి శ‌రీరం సుర‌క్షితంగా ఉంటుంది.

జొన్న‌ల‌ను తీసుకోవ‌డం వ‌ల్ల పొటాషియం స‌మృద్ధిగా ల‌భిస్తుంది. ఇది హైబీపీని త‌గ్గిస్తుంది. బీపీని అదుపులో ఉంచుతుంది. దీని వ‌ల్ల ర‌క్త స‌ర‌ఫ‌రా మెరుగు ప‌డుతుంది. దీంతో గుండె జ‌బ్బులు రావు. హార్ట్ ఎటాక్‌లు రాకుండా చూసుకోవ‌చ్చు. ఇలా జొన్న‌ల‌తో మ‌నం అనేక ప్ర‌యోజ‌నాల‌ను పొంద‌వ‌చ్చు. క‌నుక వీటిని రోజూ తీసుకోవాలి.