Allu Arjun : డిసెంబర్ 17న విడుదలైన పుష్ప చిత్రం ఇప్పటికీ వైబ్స్ క్రియేట్ చేస్తూనే ఉంది. భారీగా కలెక్షన్స్ ను రాబడుతూ ఈ సినిమా చేస్తున్న రచ్చ అంతా ఇంతా కాదు. ముఖ్యంగా ఈ సినిమాలో అల్లు అర్జున్ నటన, యాక్షన్ సన్నివేశాలకు ఆయన అభిమానులు ఫిదా అవుతున్నారు. దీనికి కొనసాగింపుగా ‘పార్ట్-2’ కూడా విడుదలవుతుందని బృందం ఇప్పటికే ప్రకటించింది. తొలి పార్ట్లో చాలా ప్రశ్నలకు సమాధానాలు వదిలేశారు. దీంతో అవి సెకండ్ పార్ట్లో దొరకుతాయని భావిస్తున్నారు.
అయితే పుష్పకు సంబంధించి జోరుగా ప్రమోషనల్ కార్యక్రమాలు జరుగుతుండగా, పలు ఆసక్తికర అంశాలు బయటకు వస్తున్నాయి. తాజాగా ఓ ఇంటర్వ్యూలో అల్లు అర్జున్.. సుకుమార్ని అద్భుతంగా ఇమిటేట్ చేస్తూ ఆశ్చర్యపరిచాడు. ఆయన టేక్ ఓకే చేసే సమయంలో ఎలా ఉంటాడనేది ఫన్నీగా చేసి చూపించారు బన్నీ. ఈ క్రమంలో నవ్వులు విరబూశాయి.
పుష్ప తొలి భాగంలో ఒక సాధారణ కూలీగా జీవితం మొదలు పెట్టిన పుష్పరాజ్ ఎర్రచందనం స్మగ్లింగ్ మాఫియాను శాసించే స్థాయికి ఎలా ఎదగాడన్నది అదిరిపోయేలా చూపించారు దర్శకుడు సుకుమార్. పార్ట్-1లో మంగళం శ్రీనుగా ప్రతినాయకుడిగా పాత్రలో సునీల్ సరికొత్తగా కనిపించారు. రెండో భాగంలో ఈ పాత్రను మరింత క్రూరంగా చూపించే అవకాశం ఉంది. ముఖ్యంగా పుష్పరాజ్ను ఎదుర్కొనే దీటైన పాత్రగా మరోసారి సునీల్కు ఎలివేషన్ లభించే అవకాశం ఉందని అంటున్నారు.
స్పందించండి