Poppy Seeds : చాలా వంటల్లో మనం గసగసాలని వాడుతూ ఉంటాము. గసగసాల వలన, ఎన్నో ఉపయోగాలు ఉన్నాయి. చాలా మందికి, గసగసాల వలన కలిగే లాభాలు తెలియదు. మనం ఉపయోగించే మసాలా దినుసులులో గసగసాలు కూడా ఒకటి. వీటినే గసాలు అని కూడా అంటారు. గసగసాల నుండి, నల్లమందుని తయారు చేయడం జరుగుతుంది. నల్లమందు ఆరోగ్యానికి హానికరం. గసగసాలని కేవలం ఔషధంగా అప్పుడప్పుడు వాడుకోవచ్చు. ప్రాచీన కాలం నుండి కూడా, గసగసాలని ఔషధాల్లో వాడడం జరుగుతుంది.
గసగసాలని వంటల్లో వేస్తే, వంటకి కమ్మని రుచి వస్తుంది. గసగసాల వలన ఎటువంటి ఆరోగ్య ప్రయోజనాలు కలుగుతాయి అనే విషయాన్ని కూడా ఇప్పుడు మనం చూద్దాం. గసగసాలలో పోషకాలు ఎక్కువగా ఉంటాయి. క్యాల్షియం, మాంగనీస్, మెగ్నీషియం, ఫాస్ఫరస్, జింక్, ఐరన్ వంటివి గసగసాలు లో ఎక్కువగా ఉంటాయి. గసగసాలలో లేనోలినిక్ ఆసిడ్ ఉంటుంది. ఆరోగ్యకరమైన గుండె కి కావాల్సిన ఒమేగా సిక్స్ ఫ్యాటీ ఆసిడ్స్ గసగసాలలో ఉంటుంది.
చిన్నగా ఉండే ఈ గసగసాలను తీసుకుంటే, ఎన్నో రకాల లాభాలని పొందడానికి అవుతుంది. గసగసాలని తీసుకోవడం వలన, నిద్రలేమి సమస్య నుండి కూడా బయటపడొచ్చు. చాలామంది, నిద్రలేమీ సమస్యతో బాధపడుతూ ఉంటారు. అటువంటి వాళ్ళు, గసగసాలు అని తీసుకుంటే, చక్కటి ఫలితం ఉంటుంది. గసగసాలని పేస్ట్ కింద చేసుకుని, ఒక గ్లాసు గోరువెచ్చని పాలలో వేసుకొని, ఈ గసగసాల పాలను తీసుకుంటే చక్కటి నిద్ర పొందవచ్చు.
నిద్రలేమి సమస్య నుండి ఈజీగా బయటపడొచ్చు. అధిక మొత్తంలో ఫైబర్ కూడా ఇందులో ఎక్కువ ఉంటుంది. పేగు కదలికలని నిర్వహించడానికి, మలబద్ధకాన్ని దూరం చేయడానికి ఇది బాగా ఉపయోగపడుతుంది. దగ్గు, ఆస్తమా వంటి సమస్యల నుండి ఉపశమనాన్ని కూడా అందిస్తుంది. కిడ్నీలో రాళ్లు ఏర్పడకుండా కూడా చూస్తుంది. అలానే, గుండె సమస్యలు ఉన్నవాళ్లు గసగసాలు తీసుకుంటే మంచిది.
