సినీ నటుడు, విమర్శకుడు కత్తి మహేష్ జూన్ నెలలో రోడ్డు ప్రమాదం బారిన పడి తీవ్ర గాయాలకు గురై హాస్పిటల్లో చికిత్స పొందుతూ శనివారం కన్నుమూసిన విషయం విదితమే. చెన్నైలోని అపోలో హాస్పిటల్లో చికిత్స పొందుతున్న ఆయన తుది శ్వాస విడిచారు. నిన్న మొన్నటి వరకు ఆయన ఆరోగ్యం బాగానే ఉందంటూ వార్తు వచ్చాయి. అయితే పరిస్థితి విషమించండంతో ఆయన కన్ను మూశారు. శ్వాసకోశ సమస్యల వల్లే ఆయన చనిపోయారని వైద్యులు తెలిపారు.
కాగా కత్తి మహేష్ మృతిపై పలువురు టాలీవుడ్ ప్రముఖులు, అభిమానులు సంతాపం తెలిపారు. ఆయనతో అనుబంధం ఉన్న ప్రతి ఒక్కరూ ఆయన లేని లోటును జీర్ణించుకోలేకపోతున్నారు. కత్తి మహేష్ చనిపోయారని తెలిసిన వెంటనే తాను షాక్కు గురయ్యానని మంచు మనోజ్ ట్వీట్ చేశాడు. ఆయన కుటుంబానికి ప్రగాఢ సానుభూతిని తెలిపాడు. అలాగే ట్యాక్సీవాలా ప్రొడ్యూసర్ ఎస్కేఎన్ మహేష్ మృతి పట్ల విచారం వ్యక్తం చేశారు. ఆయన ఆత్మకు శాంతి కలగాలని ట్విట్టర్లో తెలిపారు.
హ్యాపీ డేస్ ఫేమ్ ఆదర్శ్ కత్తి మహేష్ మృతి పట్ల విచారం వ్యక్తం చేశాడు. బిగ్బాస్ హౌజ్లో మహేష్తో గడిపిన క్షణాలను గుర్తు చేసుకున్నాడు. మహేష్ మరణించాడని తెలుసుకుని తాను షాక్కు గురయ్యానని నాచురల్ స్టార్ నాని తెలిపాడు. ఇక మహేష్ అభిమానులు ఆయన మరణవార్తను జీర్ణించుకోలేక ఆయన మృతి పట్ల తీవ్ర విచారం వ్యక్తం చేస్తున్నారు. ఆయన కుటుంబానికి సంతాపం తెలుపుతున్నారు.
