బ‌స్సులు, రైళ్ల‌లో ఉండే సీట్లు నీలి రంగులోనే ఎందుకు ఉంటాయో తెలుసా ?

మ‌న దేశంలో దాదాపుగా ఎక్క‌డికి వెళ్లినా రైళ్లు, బ‌స్సుల్లో సీట్లు నీలి రంగులో ఉంటాయి. అవును.. ఆయా వాహ‌నాలు బ‌య‌ట‌కు ఏ రంగు ఉన్నా స‌రే సీట్ల రంగు మాత్రం నీలి రంగులోనే ఉంటుంది. సీట్ల‌కు దాదాపుగా నీలి రంగునే వేస్తారు. అయితే ఇలా ఎందుకు వేస్తారో తెలుసా ? దాని గురించే ఇప్పుడు తెలుసుకుందాం.

బస్సులు, ట్రైన్ ల లోపల ఉండే సీట్లు నీలి రంగులో ఉంటాయి. ఇలా నీలి రంగును ఎంపిక చేసుకోవడానికి కారణం శాస్త్రవేత్తల ప్రకారం మన మెదడు ఒక్కొక్క రంగుకు ఒక్కొక్క విధంగా రియాక్ట్ అవుతుంది. నీలిరంగు విషయానికి వస్తే నీలిరంగు మనకు రక్షణ, రిలాక్సేషన్ ను ఇస్తుంది.

అలాగే మనం ప్రయాణించే ముందు ఎక్కువ సేపు ట్రైన్, బస్సు కోసం వేచి ఉండటం, బస్సును, ట్రైన్‌ను మిస్ అవుతావని తొందర పడటం వంటివి జరుగుతూ ఉంటాయి. దీనివలన మనం ఎక్కువగా స్ట్రెస్ ఫీల్ అవుతాం. ఈ క్ర‌మంలో మనం బస్సులో లేదా ట్రైన్ లోకి వెళ్ళిన తర్వాత నీలిరంగు సీట్లను చూసి మనకు ప్ర‌శాంత‌త‌ కలుగుతుంది. అందువల్లే బస్సులు, ట్రైన్ లోపల ఉండే సీట్లు నీలిరంగులో ఉంటాయి. ఈ లాజిక్‌ను బేస్ చేసుకుని టోక్యో నగరంలో వీధి దీపాలను నీలి రంగులోకి మార్చారు. దీని కారణంగా అక్కడ క్రైమ్ రేటు కూడా చాలా తగ్గింద‌ట‌. ఎందుకంటే తప్పు చేయాల‌నుకునే వ్యక్తుల మనస్తత్వాన్ని ఈ నీలిరంగు వీధి దీపాలు కొంతవరకు మార్చేస్తాయ‌ట‌. అందుక‌నే అక్క‌డ అలాంటి ఏర్పాటు చేశారు. అలాగే నీలిరంగు దీపాలు మొక్కల పెరుగుదలను కూడా వేగవంతం చేస్తాయ‌ని కొన్ని పరిశోధనల్లో తేలింది. అందుక‌నే చాలా చోట్ల నీలి రంగును వాడ‌డం ప్రాధాన్య‌త‌ను సంత‌రించుకుంది.