Varun Tej : తెలుగు సినీ ఇండస్ట్రీలో యంగ్ అండ్ డైనమిక్ హీరో వరుణ్ తేజ్ లేటెస్ట్ సినిమా గని. వినూత్నమైన పాత్రలకు విలువనిస్తూ కమర్షియల్ ఎలిమెంట్స్ ని యాడ్ చేస్తూ పక్కా హిట్ మూవీస్ గా వరుణ్ తేజ్ దూసుకుపోతున్నాడు. మొదట్నుండి వరుణ్ స్టైల్ అదే. ముకుంద సినిమాతో ఫ్యామిలీ ఆడియన్స్ తో పాటు యూత్ ని కూడా అట్రాక్ట్ చేసే పాత్రలో నటించి ఎంటర్ టైన్ చేశారు. ఆ తర్వాత గద్దల కొండ గణేష్, ఎఫ్ 2 సినిమాల్లాంటి బ్లాక్ బస్టర్ హిట్స్ ని సినీ ఇండస్ట్రీకి అందించారు. ఇప్పుడు గని సినిమాతో బాక్సర్ పాత్రలో గ్రాండ్ ఎంట్రీ ఇస్తున్నారు.
కిరణ్ కొర్రపాటి డైరెక్షన్ లో వస్తున్న ఈ సినిమాని ఈ ఏడాది డిసెంబర్ నెలలో విడుదలకు సిద్ధం చేశారు. పవర్ పాక్డ్ యాక్షన్ ఎంటర్ టైనర్ గని టీజర్ ను కూడా రిలీజ్ చేశారు. సోషల్ మీడియాలో ఈ టీజర్ కు విశేష స్పందన లభించింది. అయితే ప్రస్తుతం వరుణ్ తేజ్ ఫ్యాన్స్ లో ఓ గందరగోళం నెలకొంది. ఎందుకంటే వరుణ్ తేజ్ సినీ కెరీర్ లో రిలీజైన కొన్ని సినిమాలు డిసెంబర్ నెలలోనే విడుదలై ఆశించిన స్థాయిలో హిట్ అవ్వలేకపోయాయి. లోఫర్, అంతరిక్షం లాంటి సినిమాలు డిసెంబర్ లోనే రిలీజై ఫ్లాప్ అయ్యాయి.
ఇప్పుడు వచ్చే సినిమాని కూడా డిసెంబర్ లో రిలీజ్ చేస్తే అది కూడా ఎలా అవుతుందోనంటూ భయపడుతున్నారు. మరి ఈ నమ్మకాలను బీట్ చేసేలా గని సినిమా హిట్ ను సాధిస్తుందా లేదా అనేది తెలియాలంటే మరికొన్ని రోజులు వెయిట్ చేయాల్సిందే. ఈ సినిమా కోసం వరుణ్ తేజ్ ఫిట్ నెస్ విషయంలో ఎన్నో జాగ్రత్తలు తీసుకున్నారు. ప్రముఖ నటులు ఉపేంద్ర, సునీల్ శెట్టిలు ఈ సినిమాలో కీ రోల్స్ లో నటిస్తున్నారు.
