Aryan Khan : బాలీవుడ్ బాద్షా షారుఖాన్ తనయుడు ఆర్యన్ ఖాన్ డ్రగ్ కేసులో అరెస్టయిన సంగతి తెలిసిందే. ఈ క్రమంలోనే డ్రగ్స్ కేసులో భాగంగా ఆర్యన్ ఖాన్ ను అక్టోబర్ 3వ తేదీన ఎన్సీబీ అధికారులు అరెస్టు చేసి గత నాలుగు వారాల నుంచి వారి కస్టడీలోనే ఉంచుకున్నారు. ఆర్యన్ ఖాన్ బెయిల్ కోసం షారుక్ ఖాన్ రూ.కోట్లలోనే ఖర్చు చేసినట్లు తెలుస్తోంది.
ఆర్యన్ ఖాన్ బెయిల్ కోసం ఎంతో ప్రసిద్ధి చెందిన న్యాయవాదులను రంగంలోకి దించారు. దేశంలోనే ఎంతో పేరుగాంచిన ముగ్గురు న్యాయవాదులను నియమించారు. వారిలో మాజీ అటార్నీ జనరల్ ముకుల్ రోహత్గీ, సతీష్ మనీష్ షిండే, అమిత్ దేశాయ్ లు ఆర్యన్ ఖాన్ బెయిల్ కోసం శ్రమించారు. ఈ క్రమంలోనే ఈ ముగ్గురు లాయర్లకు రోజుకు రూ.లక్షల్లో ఫీజులు చెల్లించినట్లు సమాచారం.
మాజీ అటార్నీ జనరల్ ముకుల్ రోహత్గీకి రోజుకు రూ.30 లక్షలు ఫీజు చెల్లించినట్లు సమాచారం. సతీష్ మనీష్ షిండేకు రోజుకు రూ.20 లక్షల నుంచి రూ.25 లక్షలు, అమిత్ దేశాయ్ కి రోజుకు రూ.25 లక్షల నుంచి రూ.26 లక్షల ఫీజు చెల్లించినట్లు తెలుస్తోంది. ఆర్యన్ ఖాన్ అరెస్ట్ అయిన రోజు నుంచి శనివారం వరకు ప్రతి రోజూ ఇన్ని లక్షల రూపాయల మొత్తంలో షారుక్ ఖాన్ తన కొడుకు కోసం ఖర్చు చేసినట్లు తెలుస్తోంది.
స్పందించండి