Pooja Hegde : నెలకు పూజా హెగ్డె అంత సంపాదిస్తుందా..!

Pooja Hegde : టాలీవుడ్ సినీ ఇండస్ట్రీలో స్టార్ హీరోయిన్లకు ఉన్న క్రేజ్ అంతా ఇంతా కాదు. సినిమా హిట్ అయ్యాక ఫామ్ లో ఉన్నప్పుడే నాలుగు రాళ్ళు వెనుక వేసుకోవాలనే కాన్సెప్ట్ ని బాగా ఫాలో అవుతున్పారు. ఈ కేటగిరీలోకి మన బుట్టబొమ్మ కూడా చేరింది. అల వైకుంఠపురములో సినిమా సక్సెస్ ని అందుకున్న ఈ బ్యూటీ ప్రస్తుతం క్షణం తీరిక లేకుండా గడుపుతోంది. తెలుగు, తమిళం, హిందీ భాషల్లో నటించేస్తూ బిజీగా మారింది.

వరుసగా పాన్ ఇండియా సినిమాల్లో నటించేస్తుంది. ఈ క్రమంలోనే కోలీవుడ్ స్టార్ హీరో విజయ్ దళపతి హీరోగా వస్తున్న బీస్ట్ అనే సినిమాలో పూజా హెగ్దే తీసుకున్న రెమ్యూనరేషన్ విషయంలో పూజా హెగ్దే పేరు మార్మోగిపోతోంది. తన బాడీగార్డ్స్, అసిస్టెంట్స్, తన చార్టెట్ ఫ్లైట్ కోసం ఇలా అన్ని రకాలుగా తన పర్సనల్ ఖర్చులు నిర్మాతల మీదనే వేస్తుందంటూ ఆర్కే సెల్వమణి మండిపడ్డారు.

అలాగే టాలీవుడ్ ప్రొడ్యూసర్ నట్టి కుమార్ కూడా పూజా డిమాండ్స్ కి తట్టుకోలేక ఆగ్రహం వ్యక్తం చేశారు. ఈ విమర్శలకు తోడుగా మీడియాలో హైలెట్ అవ్వడంతో పూజా హాట్ టాపిక్ గా మారింది. పూజా హెగ్దే ఒక్క హిట్ తో ఇంత యాటిట్యూడ్ చూపిస్తుందా అంటూ సందేహాలు వస్తున్నాయి. ప్రస్తుతం ఈ హీరోయిన్ ఒక్కో సినిమాకు రూ.3 కోట్ల వరకు రెమ్యునరేషన్ తీసుకుంటుందట.

అలాగే అడ్వర్టైజ్ మెంట్స్ కి నెలకు ఆదాయం రూ.50 లక్షలకు పైగా సంపాదిస్తోంది. ముంబై బాంద్రా లాంటి కాస్ట్లీ ఏరియాలో కొన్ని కోట్లు పెట్టి మరీ 3 బెడ్ రూమ్ ఫ్లామ్ కొనేసింది. ఏది ఏమైనా ఈ బ్యూటీ సంపాదన దాదాపుగా రూ. 50 కోట్ల నుండి రూ.70 కోట్లు ఉంటుందని.. ఇది కేవలం ఆమె సినీ ఇండస్ట్రీ నుండి వచ్చింది మాత్రమే అని తెలుస్తోంది. మరి బిజినెస్ లో ఎంత ఇన్వెస్ట్ చేసిందనేది ఇంకా తెలీదు. ప్రస్తుతం పూజా హెగ్దే నటించిన రాధేశ్యామ్, ఆచార్య సినిమాలు రిలీజ్ కు సిద్ధంగా ఉన్నాయి.