OTT : ఈ వారం ఓటీటీల్లో సందడి చేయనున్న సినిమాలు, సిరీస్ లు ఇవే..!

OTT : వారం మారే కొద్దీ కొత్త కొత్త సినిమాలు, సిరీస్‌లు ఓటీటీల్లో సందడి చేస్తున్నాయి. అందులో భాగంగానే ప్రతి వారం ప్రేక్షకులు కూడా కొత్త మూవీలు, సిరీస్‌లు ఏవి రిలీజ్‌ అవుతున్నాయి.. అని ఆరా తీస్తున్నారు. ఇక ఈ వారం కూడా ప్రేక్షకులను పలు మూవీలు అలరించనున్నాయి. వాటి వివరాలను ఇప్పుడు తెలుసుకుందాం.

ఈ నెల 25వ తేదీన నెట్‌ఫ్లిక్స్‌లో టూల్‌సిడాస్‌ జూనియర్‌ అనే హిందీ మూవీ స్ట్రీమ్‌ కానుంది. డ్రామా జోనర్‌లో ఈ మూవీని తెరకెక్కించారు. అలాగే మే25న యూట్యూబ్‌లో ది మినియేచరిస్ట్‌ ఆఫ్‌ జునాగఢ్‌ అనే మూవీ స్ట్రీమ్‌ కానుంది. డ్రామా కథాంశంగా రూపొందిన ఈ మూవీ హిందీలో అందుబాటులోకి రానుంది. ఇక విశ్వక్‌సేన్, రుక్సార్‌ ధిల్లాన్‌లు హీరో హీరోయిన్లుగా నటించిన అశోకవనంలో అర్జున కల్యాణం మూవీ కూడా ఈ వారంలోనే స్ట్రీమ్‌ కానుంది. ఆహా సంస్థ ఈ మూవీ డిజిటల్‌ హక్కులను సొంతం చేసుకుంది. దీంతో ఆహా యాప్‌లో ఈ నెల 27వ తేదీన అశోకవనంలో మూవీని స్ట్రీమ్‌ చేయనున్నారు. కామెడీ, రొమాన్స్‌ కథాంశంతో ఈ మూవీని తెరకెక్కించారు.

ఇక ఈ నెల 27వ తేదీన జీ5 యాప్‌లో అటాక్‌ అనే హిందీ మూవీ స్ట్రీమ్‌ కానుంది. ఇందులో జాన్‌ అబ్రహాం, జాక్వెలైన్ ఫెర్నాండెజ్‌, రకుల్‌ ప్రీత్‌ సింగ్‌లు నటించారు. యాక్షన్‌, సైన్స్‌ ఫిక్షన్‌, థ్రిల్లర్‌ జోనర్‌లలో ఈ మూవీని తెరకెక్కించారు. అలాగే 27వ తేదీన డిస్నీ ప్లస్‌ హాట్‌ స్టార్ లో కాతువాకుల రెండు కాదల్‌ మూవీ స్ట్రీమ్‌ కానుంది. తమిళంలో రూపొందిన ఈ మూవీలో విజయ్‌ సేతుపతి, నయనతార, సమంతలు హీరో హీరోయిన్లుగా నటించారు. కామెడీ, డ్రామా, రొమాన్స్‌ కథాంశంతో ఈ మూవీని నిర్మించారు.

కాగా ఈ నెల 27వ తేదీన అమెజాన్‌లో కేజీఎఫ్‌ చాప్టర్‌ 2ను రిలీజ్‌ చేయనున్నారు. పే పర్‌ వ్యూ పద్ధతిలో రూ.199 చెల్లించి ఈ మూవీని చూడవచ్చు. కన్నడ, తెలుగు, తమిళం, మళయాళం భాషల్లో ఈ మూవీ లభ్యం కానుంది.

ఈ నెల 27వ తేదీ నుంచి నెట్ ఫ్లిక్స్‌లో స్ట్రేంజర్‌ థింగ్స్‌ సిరీస్‌ సీజన్‌ 4 స్ట్రీమ్‌ కానుంది. ఇంగ్లిష్ భాషలో రూపొందించబడిన ఈ సిరీస్‌ను డ్రామా, మిస్టరీ, సైఫై ఫాంటసీ నేపథ్యంలో తెరకెక్కించారు. ఆహాలో మే 29వ తేదీ నుంచి పయనింగల్‌ గవనిక్కవుమ్‌ అనే తమిళ మూవీ స్ట్రీమ్‌ కానుంది. డ్రామా, కామెడీ కథాంశంతో ఈ మూవీని తెరకెక్కించారు.