Marakkar : సాధారణంగా ఒక సినిమా విడుదల అవుతుందంటే ఆ సినిమా క్రేజ్ ను దృష్టిలో ఉంచుకొని ముందుగా అడ్వాన్స్ బుకింగ్ చేసుకునే అవకాశాన్ని కల్పిస్తూ ఉంటారు. ఇలా ఒక వారం ముందుగానే అడ్వాన్స్ బుకింగ్ లు పూర్తి అవుతాయి. అయితే ఈ విధంగా అడ్వాన్స్ బుకింగ్ ద్వారా కొన్ని కోట్ల రూపాయలను దక్కించుకుంటారు. కానీ ఒక సినిమా కేవలం అడ్వాన్స్ బుకింగ్ తోనే రూ.100 కోట్లను కొల్లగొట్టడం గురించి ఎప్పుడైనా విన్నారా. వినడానికి ఆశ్చర్యంగా ఉన్నా ఇది నిజం.
మాలీవుడ్ భారీ బడ్జెట్ ఫిల్మ్ ‘మరక్కార్ : అరబికడలింటే సింహం’ గురించి ప్రత్యేకంగా చెప్పాల్సిన పని లేదు. మోహన్ లాల్ నటించిన ఈ సినిమా గురువారం ప్రేక్షకుల ముందుకు రానుంది. ఈ క్రమంలోనే ఈ సినిమా అడ్వాన్స్ బుకింగ్ లో భాగంగా ఏకంగా రూ.100 కోట్లను కొల్లగొట్టినట్లు మోహన్ లాల్ ట్విట్టర్ వేదికగా వెల్లడించారు. ఈ క్రమంలోనే ఈ విషయం వైరల్ గా మారడంతో ఈ సినిమాపై మరిన్ని అంచనాలు పెరిగాయి.
Marakkar : 4,100 స్క్రీన్స్లో 16 వేల షోస్
ఆంటోని పెరంబవూర్ నిర్మించిన ఈ సినిమాలో అర్జున్ సర్జా, సునీల్ శెట్టి, మంజు వారియర్తోపాటు సిద్ధిక్ ప్రధాన పాత్రలలో నటించారు. ముందుగా ఓటీటీలో విడుదల చేయాలని భావించినా.. ఈ సినిమాను తిరిగి థియేటర్లలో విడుదల చేయడానికి సిద్ధమయ్యారు. ఈ క్రమంలోనే ఈ సినిమా 4,100 స్క్రీన్స్లో 16 వేల షోస్తో విడుదలవుతున్నట్టు తెలిపిన మోహన్ లాల్.. టికెట్ బుకింగ్స్ ద్వారానే రూ.100 కోట్ల క్లబ్లో అడుగు పెట్టినట్లు తెలిపారు.
