Maa Elections : మా ఎన్నిక‌లు.. లైన్‌లో నిల‌బ‌డ్డ శివ బాలాజీ.. చేయి కొరికిన హేమ‌..

Maa Elections : మూవీ ఆర్టిస్ట్స్ అసోసియేష‌న్ (మా) ఎన్నిక‌లు ఓ వైపు ప్ర‌శాంతంగా జ‌రుగుతున్నాయ‌ని అంటున్నారు. కానీ లోప‌ల పోలింగ్ వ‌ద్ద మాత్రం ఉద్రిక్త ప‌రిస్థితులు నెల‌కొన్నాయి. ఒక్క‌సారిగా తోపులాట జ‌రిగింది. ఈ క్ర‌మంలో న‌టి హేమ శివ బాలాజీ చేయి కొరికింది. ఆ దృశ్యాల‌ను టీవీ చాన‌ళ్ల‌లో స్ప‌ష్టంగా చూపిస్తున్నారు కూడా. అయితే అక్క‌డ ఏం జ‌రిగింది ? అన్న విష‌యంపై స్ప‌ష్ట‌త లేదు.

మ‌రోవైపు పోలింగ్ కేంద్రంలో ఎన్నిక‌ల ప్ర‌చారం జ‌రుగుతుంద‌ని, దాన్ని అడ్డుకునేందుకు హేమ ప్ర‌య‌త్నించింద‌ని, అందుక‌నే శివ బాలాజీ ఆపాడ‌ని, దీంతో ఆగ్ర‌హించిన హేమ అత‌ని చేయిని కొరికింద‌ని తెలుస్తోంది.

అయితే ఈ విష‌యంపై శివ‌బాలాజీ స్పందిస్తూ.. ప్ర‌స్తుతం ఎన్నిక‌లు జ‌రుగుతున్నాయ‌ని.. ముగిశాక అస‌లు ఏం జ‌రిగిందో చెబుతాన‌ని స్ప‌ష్టం చేశారు. దీంతో ఎన్నిక‌లు చాలా ర‌స‌వ‌త్త‌రంగా సాగుతున్నాయ‌ని చెప్ప‌వ‌చ్చు.