Dil Raju Wife Tejaswini : తెలుగు చిత్ర పరిశ్రమలో పరిచయం అవసరం లేని నిర్మాతల్లో దిల్ రాజు ఒకరు. శ్రీ వెంకటేశ్వర క్రియేషన్స్ పై ఈయన నిర్మించే చిత్రాలు కుటుంబ ప్రేక్షకులను ఎంతగానో ఆకట్టుకుంటాయి. చిన్న నిర్మాత స్థాయి నుండి భారీ బడ్టెట్ సినిమాలను నిర్మించే స్థాయికి దిల్ రాజు ఎదిగారని చెప్పవచ్చు. సినిమాను విడుదల చేయడానికి ముందే దాని విజయాన్ని, అపజయాన్ని అంచనా వేసే వ్యక్తి దిల్ రాజు. ఇక తాజాగా ఈయన రెండో సారి తండ్రి అయ్యారు. తనకు కొడుకు పుట్టాడు. దీంతో ఆయన పడుతున్న సంతోషాన్ని మాటల్లో వర్ణించలేం.
అయితే తన మొదటి భార్య అనిత చనిపోయిన తరువాత దిల్ రాజు మరో పెళ్లి చేసుకున్నారు. కానీ దిల్ రాజు రెండో పెళ్లి చేసుకోవడానికి మొదట అంగీకరించ లేదట. తండ్రి మానసిక క్షోభకు గురి కావడాన్ని చూడలేని దిల్ రాజు కూతురు హర్షిత రెడ్డి తండ్రి రెండో పెళ్లి చేసుకోవడానికి అంగీకరించేలా చేసింది. దీంతో నిజామాబాద్ జిల్లాలోని నర్సింగ్ పల్లి వెంకటేశ్వర స్వామి ఆలయంలో 2020 మే 10న దిల్ రాజు రెండో వివాహం చేసుకున్నారు. లాక్ డౌన్ కారణంగా ఈ పెళ్లికి చిత్ర పరిశ్రమ నుండి కానీ, స్నేహితులను కానీ ఎవరినీ ఆహ్వానించలేదు. కేవలం ఇరుకుంటుబాల సన్నిహితుల మధ్యనే ఈ వివాహం జరిగింది.
అయితే దిల్ రాజు రెండో భార్య తేజస్విని గురించి ఎవరికీ ఏ విషయాలు ఇప్పటి వరకు తెలియదు. తాజాగా ఆమె ఒక బ్రాహ్మణ కుంటుంబానికి చెందిన అమ్మాయని టాక్ నడుస్తోంది. అయితే ఆమె ఒక ప్రముఖ విమానయాన సంస్థలో ఎయిర్ హోస్టెస్గా పనిచేసిందట. ఆమెను తొలిసారి ఫ్లైట్లో చూసి దిల్ రాజు ఇష్టపడ్డారట. ఈ క్రమంలోనే ఆమెను పెళ్లి చేసుకుంటానని అడిగితే అందుకు ఆమె ఓకే చెప్పిందట. ఇక ఆమెది కూడా నిజామాబాద్ జిల్లానే అని తెలిసింది.
తేజస్వినిది నిజామాబాద్ కాగా.. దిల్ రాజుది కూడా అదే జిల్లా కావడం విశేషం. ఆమె పెళ్లి అయ్యే వరకు ఎయిర్ హోస్టెస్గానే పనిచేసింది. వయస్సు 34 ఏళ్లు. ఆమె అసలు పేరు తేజస్విని కాగా.. ఆమె కులం, మతం, ఇతర వివరాలు తెలియకుండా ఉండేందుకు గాను ఆమె పేరును వైగా రెడ్డిగా మార్చారు. అయితే ఇంతకు మించి తేజస్విని గురించి వివరాలు ఏవీ తెలియవు. ఏం తెలిసినా సోషల్ మీడియాలో ట్రోల్ చేస్తారన్న ఉద్దేశంతోనే దిల్ రాజు ఆమె పట్ల ఇన్ని జాగ్రత్తలను తీసుకుంటున్నారని తెలుస్తోంది. ఆమె గురించి ఎవరికీ ఏమీ తెలియకుండా గోప్యంగా ఉంచుతున్నారని సమాచారం.
ఇక సినిమాల విషయానికి వస్తే దిల్ రాజు నిర్మించిన ఎఫ్3 మూవీ ఈ మధ్యే విడుదలై ఘన విజయం సాధించింది. ఈ క్రమంలోనే ఆయన ప్రస్తుతం పలు ప్రాజెక్టులను నిర్మిస్తున్నారు. ముఖ్యంగా శంకర్ దర్శకత్వంలో రామ్ చరణ్ హీరోగా దిల్ రాజు ఓ చిత్రాన్ని నిర్మిస్తున్నారు. ఈ మూవీ అతి త్వరలోనే ప్రేక్షకుల ముందుకు రానుంది. దీంతోపాటు పలు ఇతర సినిమాలను కూడా దిల్ రాజు నిర్మిస్తున్నారు.
